27.02.2026 | 23:31
Ստեփանծմինդա-Լարս ավտոճանապարհը փակ է
ՄԱԿ-ը մտահոգված է Ստամբուլի ընդդիմադիր քաղաքապետի և ցուցարարների ձերբակալությունների կապակցությամբ
Քաղաքականություն
26.03.2025 | 20:20
ՄԱԿ-ի Մարդու իրավունքների հանձնակատարի գրասենյակը մտահոգություն է հայտնել Թուրքիայում զանգվածային ցույցերին ուղեկցող ձերբակալությունների կապակցությամբ։
«Մենք շատ անհանգստացած ենք վերջին շաբաթվա ընթացքում թուրքական իշխանությունների կողմից առնվազն 92 մարդու ձերբակալության կապակցությամբ, այդ թվում՝ ժողովրդավարական ճանապարհով ընտրված Ստամբուլի քաղաքապետ Էքրեմ Իմամօղլուի, որը մեղադրվում է կոռուպցիայի մեջ և հեռացվել է պաշտոնից»,- ասվում է ՄԱԿ-ի Մարդու իրավունքների գրասենյակի խոսնակ Լիզ Թրոսելի հայտարարության մեջ։
Նշվում է, որ ձերբակալությունները հարուցել են համազգային ցույցեր, որոնք երեք քաղաքներում հանդիպել են բողոքի ցույցերի անօրինական արգելքի։ Բողոքի ցույցերի ընթացքում ձերբակալվել է ավելի քան 1000 մարդ, այդ թվում՝ լրատվամիջոցների առնվազն ինը աշխատակից:
«Բոլոր նրանք, որոնք ձերբակալվել են իրենց իրավունքների օրինական իրացման համար, պետք է անհապաղ և անվերապահորեն ազատ արձակվեն։ Մեղադրյալներին պետք է արժանապատվորեն վերաբերվել, և պատշաճ դատավարության նրանց իրավունքները, ինչպես նաև արդար դատավարությունը, ներառյալ՝ նրանց ընտրած փաստաբանի հասանելիությունը, պետք է լիովին ապահովվեն»,- նշվում է հայտարարության մեջ։
ՄԱԿ-ը կոչ է անում Թուրքիայի իշխանություններին երաշխավորել արտահայտվելու և հավաքների ազատության իրավունքները՝ միջազգային իրավունքին համապատասխան, և ցուցարարների նկատմամբ ուժի ապօրինի կիրառման արժանահավատ մեղադրանքները անհապաղ և մանրակրկիտ հետաքննել։
Հավելենք, որ նախօրեին Թուրքիայի ներքին գործերի նախարար Ալի Ելիքայան հայտարարել էր, որ Էքրեմ Իմամօղլուի կալանավորման դեմ անցկացված բողոքի ցույցերի ընթացքում 1418 մարդ է ձերբակալվել։
Թարգմանությունը՝ Էմմա Չոբանյանի
