07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Թուրքիայում զանգվածային ցույցերին մասնակցելու մեղադրանքով ավելի քան 1400 մարդ է ձերբակալվել
Քաղաքականություն
25.03.2025 | 22:17
Ստամբուլի ընդդիմադիր քաղաքապետ Էքրեմ Իմամօղլուի և մյուսների կալանավորման դեմ բողոքի ակցիաներին մասնակցելու կասկածանքով ձերբակալված 206 անձի, այդ թվում՝ լրագրողների գործեր ուղարկվել են Քրեական դատարան՝ կալանքի պահանջով, գրում են թուրքական լրատվամիջոցները։
Նախնական որոշումներով կալանավորվել է 10 մարդ, այդ թվում՝ SOL կուսակցության երեք անդամներ և AFP-ի լուսանկարիչ Յասին Աքգյուլը։
Նախօրեին տներում խուզարկությունների ընթացքում ձերբակալվել էր 73 քաղաքացի, այդ թվում՝ լրագրողներ Բյուլենթ Քըլըչը, Զեյնեփ Քուրայը, Յասին Աքգյուլը, Ալի Օնուր Թոսունը, Հայրի Թունչը, լուսանկարիչներ Մուրադ Քոջաբաշը և Քուրթուլուշ Արը։ Այսօր արդեն հայտնի է դարձել, որ բերման ենթարկվածների մեծ մասը «դատական պայմանական վաղաժամկետ ազատ կարձակվի»։
Փաստաբանները, սակայն, ասել են, որ դատարանի որոշումը փոխվել է, և երեկվա խուզարկությունների ժամանակ ձերբակալված 73 անձինք կալանավորվել են։
Բացի այդ, Ստամբուլի գլխավոր դատախազությունն ընդդիմադիր Ժողովրդահանրապետական կուսակցությանը (CHP) հրահանգել է քաղաքից «հեռացնել Իմամօղլուի պաստառները»։
Թուրքիայի Ներքին գործերի նախարար Ալի Երլիքայան հայտարարել է, որ 2025 թվականի մարտի 19-ից 25-ն ընկած ժամանակահատվածում Էքրեմ Իմամօղլուի կալանավորման դեմ անցկացված բողոքի ցույցերի ընթացքում 1418 մարդ է ձերբակալվել։
«Մինչ օրս 1418 կասկածյալ է ձերբակալվել 2025 թվականի մարտի 19-ից ի վեր անցկացված անօրինական ցույցերին մասնակցելու համար։ Այս պահին կալանքի տակ է 979 կասկածյալ, այսօր դատարանի առաջ կկանգնի 478 մարդ։ Ոչ մի զիջում չի արվի նրանց, որոնք փորձում են ահաբեկել փողոցները, հարձակվել մեր ազգային ու բարոյական արժեքների կամ մեր ոստիկանների վրա»,- ասել է թուրք պաշտոնյան։
Թարգմանությունը՝ Էմմա Չոբանյանի
