18.12.2025 | 15:55
ԱՄՆ Կոնգրեսն ընդունել է 901 միլիարդ դոլարի ռեկորդային պաշտպանական բյուջեն
Բուսաբանական այգում 34 ծառ է հատվել․ վնասը կազմել է 16․570․000 ՀՀ դրամ
25.03.2025 | 13:19
Բնապահպանության և ընդերքի տեսչական մարմնում «ՀՀ ԳԱԱ Ա․Թախտաջյանի անվան բուսաբանության ինստիտուտ» ՊՈԱԿ-ի տարածքում հատված ծառերի վերաբերյալ ստացված ահազանգի հիմքով հարուցվել է վարչական վարույթ․ տեղեկացնում են ԲԸՏՄ-ից։
Վարույթի շրջանակներում Բուսաբանության ինստիտուտի տարածքի զննության արդյունքում, այգու հարավ-արևելյան հատվածում, արձանագրվել է «Կաղնի ամառային» տեսակի 35-74սմ տրամագծով ապօրինի հատված 34 ծառի կոճղեր։
Ապօրինի ծառահատման արդյունքում բուսական աշխարհին պատճառված վնասը կազմել է՝ 16․570․000 ՀՀ դրամ։
Վարչական վարույթի նյութերով առերևույթ հանցանքի մասին հաղորդում է ներկայացվել ՀՀ քննչական կոմիտե։
Հիշեցնենք՝ FactorTV-ին օրեր առաջ ահազանգել էր՝ որ բուսաբանական այգու հաստաբուն կաղնիները նախ հատել են, ապա 3 օր անց հանձնաժողով ստեղծել։ FactorTV-ի նկարահանող խումբը, համացանցում հրապարակված ծառերի սպանդն արձանագրող աղմկահարույց լուսանկարներից հետո արձանագրել էր, որ բուսաբանական այգում վախի մթնոլորտ է, իսկ պատասխանատուներն իրարամերժ տեղեկություններ են հայտնում։
Ապա FactorTV-ի հրապարակման հետքերով հաջորդ օրը քրեական գործ էր հարուցվել։
