27.03.2025 | 19:53
Բրիտանիան ՀՀ-ին և Ադրբեջանին կոչ է անում հնարավորինս շուտ ստորագրել խաղաղության համաձայնագիրը
Քոչարյանի և Սարգսյանի թիմակիցները միասնակա՞ն են. «Պատիվ ունեմ» ու «Հայաստան» խմբակցությունները հայտարարել են, որ չեն մասնակցի վաղվա նիստին
Քաղաքականություն
24.03.2025 | 19:08
«Հայաստան» խմբակցությունը չի մասնակցի Ազգային ժողովի քառօրյա նիստերին։ Այս մասին Factor.am-ի հետ զրույցում հայտնեց խմբակցության պատգամավոր Ագնեսա Խամոյանը։
«Ես կարծում եմ՝ մենք, հետևելով Տարոն Մարգարյանի հորդորին․ չենք մասնակցի նիստերին։ Պաշտոնական հաղորդագրությունը կլինի վաղը»,- նշեց Խամոյանը։
Հիշեցնենք, որ ԱԺ քառօրյա նիստերում քննարկվելու է «Պատիվ ունեմ» խմբակցության պատգամավոր Տարոն Մարգարյանին և ՔՊ խմբակցությունը լքած անկախ պատգամավոր Հովիկ Աղազարյանին անձեռնմխելիությունից զրկելու հարցը։
Տարոն Մարգարյանը գրառում է կատարել՝ նշելով, որ իր դեմ հարուցված քրեական գործը համարում է շինծու ու կոչ է արել «Պատիվ ունեմ» ու «Հայաստան» խմբակցություններին չմասնակցել նիստերին։
«Պատիվ ունեմ» խմբակցությունը հայտարարություն է տարածել՝ նշելով, որ խմբակցությունը չի մասնակցի Ազգային ժողովի քառօրյա նիստերին։
Հիշեցնենք նաև, որ Տարոն Մարգարյանին առաջադրվել է մեղադրանք, ըստ որի վերջինս չարաշահել է իր լիազորությունները։
Անժելա Պողոսյան
