30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Հարավային Կովկասում անվտանգությունն ապակայունացնող գործոն կդառնա. Զախարովան` զորավարժությունների համար ԱՄՆ-ի կողմից ՀՀ ռազմական տեխնիկայի փոխադրելու մասին
Քաղաքականություն
20.03.2025 | 20:27
ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցում անդրադարձել է ԱՄՆ-ի կողմից զորավարժությունների համար Հայաստան ռազմական տեխնիկայի փոխադրման հարցին։ Նա նշել է, որ Մոսկվան անհապաղ տեղեկատվություն է խնդրել Պենտագոնի կողմից սարքավորումները Հայաստան տեղափոխելու մասին մամուլի հրապարակումների վերաբերյալ։
«Մենք տեսել ենք այդ հրապարակումները և օպերատիվ հարցրել մեր հայ գործընկերներին։ Մեզ նախնական ասացին, որ Վաշինգտոնից նման պաշտոնական հարցումներ չեն ստացվել։ Եթե այս տեղեկությունը հաստատվի, ապա այն կդառնա Հարավային Կովկասում կայունության և անվտանգության ապակայունացնող գործոն»,- ասել է Զախարովան։
Ըստ ռուսաստանցի պաշտոնյայի՝ «դա փորձ է լինելու՝ տարածաշրջան բերել այն առճակատման սխեմաները, որոնք մշակվել են հավաքական Արևմուտքի կողմից Եվրատլանտյան տարածաշրջանում»։ Զախարովան նաև հավելել է, որ Հարավային Կովկասի երկրների ներկայիս խնդիրները պետք է լուծվեն հենց տարածաշրջանի շրջանակում։
Ավելի վաղ հաղորդվել էր, որ ԱՄՆ-ը պատրաստվում է Գերմանիայի իր բազայից ռազմատեխնիկա տեղափոխել Հայաստան՝ համատեղ զորավարժությունների անցկացման համար։ Վարժանքների ավարտից հետո այն վերադարձվելու է ամերիկյան բազա։
Թարգմանությունը՝ Էմմա Չոբանյանի
