Քաղաքականություն
17.03.2025 | 13:41
ԱՄՆ-ը պատրաստվում է Գերմանիայի իր բազայից ռազմատեխնիկա տեղափոխել Հայաստան՝ համատեղ զորավարժությունների անցկացման համար։ Փոխադրումը նախատեսվում է իրականացնել վրացական Փոթի նավահանգստով։
Նշվում է, որ գերմանական բազայից տեխնիկան տեղափոխվելու է հուլիսի 16-ին, այն Հայաստանում պետք է լինի օգոստոսի 7-ին։ Զորավարժությունների ավարտից հետո սարքավորումները Հայաստանից կտեղափոխվեն Վրաստան՝ Փոթիի նավահանգիստ, ոչ ուշ, քան օգոստոսի 25-ը։
Հաղորդվում է, որ տեխնիկան Գերմանիայի Դյուելման զորանոցից տեղափոխվելու է Հայաստանի Զառ բազա։ Նշվում է նաև, որ դիվանագիտական մաքսազերծման ենթակա սարքավորումները չեն կարող տեղափոխվել Ռուսաստանի, Թուրքիայի կամ Ադրբեջանի տարածքով՝ դիվանագիտական թույլտվությունների հետ կապված խնդիրների պատճառով։
Ընդհանուր առմամբ, այն ներառում է 151 միավոր տեխնիկա՝ տրանսպորտ, շտապօգնության մեքենաներ, գեներատորներ։
Հիշեցնենք, որ անցյալ տարի հայ-ամերիկյան համատեղ «Արծիվ գործընկեր» զորավարժությունները մեկնարկել էին հուլիսի 15-ին։
Թարգմանությունը՝ Էմմա Չոբանյանի
