17.07.2026 | 18:30
Ռուսական շուկայի կրճատում, ԵՄ նոր հեռանկար․ ինչպե՞ս է փոխվում արտահանման աշխարհագրությունը
Թուրքիայի խորհրդարանում Էրդողանի կուսակիցների ու ընդդիմադիր պատգամավորների միջև ծեծկռտուք է տեղի ունեցել Ստամբուլի քաղաքապետի ձերբակալության պատճառով․ ՏԵՍԱՆՅՈՒԹ
Քաղաքականություն
20.03.2025 | 18:25
Թուրքիայի Ազգային մեծ ժողովում իշխող «Արդարություն և զարգացում» կուսակցության և ընդդիմադիր Ժողովրդահանրապետական կուսակցության (CHP) պատգամավորների միջև բանավեճ է սկսվել Ստամբուլի քաղաքապետ Էքրեմ Իմամօղլուի ձերբակալության հարցով։ Պատգամավորները հարձակվել են միմյանց վրա, ծեծկռտուք է սկսվել։
ԱԶԿ-ի Քոնիայից պատգամավոր Մեհմեթ Բայքանը Սարիերի նախկին քաղաքապետ Շյուքրյու Գենչին ձերբակալելու վերաբերյալ ասել է հետևյալը. «Ձե՞զ էլ են անհանգստացնում նրա հասցեին հնչող մեղադրանքները։ Իհարկե, անմեղության սկզբունքը վեր է ամեն ինչից, բայց այլ մտավախություն չունե՞ք»։
CHP-ի պատգամավորները սկսել են հարվածել սեղաններին։ CHP խմբի փոխնախագահ Ալի Մահիր Բաշարիրը շիշ է նետել, ինչից հետո երկու խմբակցություններից անդամները շարժվել միմյանց ուղղությամբ։
Խորհրդարանի փոխնախագահ Սըրրը Սուրեյյա Օնդերը 20 րոպե ընդմիջում է հայտարարել։
Թարգմանությունը՝ Էմմա Չոբանյանի
