21.12.2025 | 22:02
Ֆուտզալի Հայաստանի հավաքականը հաղթեց Մոլդովային
Թուրքիան 2 տարում ավելի քան 1000 զրահամեքենա է մատակարարել տարբեր երկրներ, այդ թվում՝ Ադրբեջան․ ՄԱԿ-ի զեկույց
Քաղաքականություն
17.03.2025 | 22:29
Թուրքիան վերջին երկու տարվա ընթացքում միջազգային գնորդներին ավելի քան 1000 զրահամեքենա է մատակարարել։ Այս մասին է վկայում Միավորված ազգերի կազմակերպության սովորական սպառազինությունների ռեգիստրի (UNROCA) զեկույցը։
Զեկույցում նշվում է, որ 2023 թվականին 11 երկիր է մատակարարվել 501 մարտական զրահամեքենա, մինչդեռ 2022 թվականին արտահանվել է 549 միավոր՝ նախորդ տարվա համեմատ ընդհանուր արտահանումը 8%-ով նվազել է։
Զեկույցում թվարկված են 2023 թվականին Թուրքիայի զրահատեխնիկա ստացող երկրները՝ Արաբական Միացյալ Էմիրություններ (ԱՄԷ)՝ 180 մեքենա, Ղազախստան՝ 68 մեքենա, Սաուդյան Արաբիա՝ 66 մեքենա, Թունիս՝ 42 մեքենա, Կոտ դ՛Իվուար՝ 36 մեքենա, Էկվադոր՝ 35 մեքենա, Չադ՝ 30 մեքենա, Մարոկկո՝ 20 մեքենա, Բանգլադեշ՝ 11 մեքենա, Ադրբեջան՝ 10 մեքենա, Մոնտենեգրո՝ 3 մեքենա։
Արտահանված մեքենաների ճշգրիտ մոդելները զեկույցում չեն բացահայտվել, քանի որ Թուրքիան սովորաբար արտադրանքի կոնկրետ մանրամասներ կամ արտադրողի մասին տեղեկատվություն UNROCA-ին չի տրամադրում:
2022 թվականին Թուրքիան 14 երկիր է արտահանել 549 զրահամեքենա, ինչը 63 տոկոսով ավելի է 2021 թվականի համեմատ։ Այնուամենայնիվ, 2023-ին գրանցվել է մոտ 8% անկում, մատակարարումները նվազել են մինչև 501 միավոր: Թուրքիայի զրահատեխնիկայի արտահանումը տարիների ընթացքում անշեղորեն աճել է։
Թեև զեկույցը չի հստակեցնում արտահանված ռազմական մեքենաների մոդելները, նախկին պաշտպանական համաձայնագրերը ցույց են տալիս, որ մի քանի ստացողներ իրենց զինված ուժերում ներառել են թուրքական արտադրության զրահամեքենաներ:
Օրինակ՝ հայտնի է, որ Ադրբեջանը շահագործում է Otokar ընկերության COBRA II զրահամեքենաները: Ղազախստանը հետաքրքրություն է ցուցաբերել COBRA II, TULPAR և ARMA զրահամեքենաների նկատմամբ, լրատվամիջոցները ենթարում են ապագայում 800 մեքենայի հնարավոր պատվեր:
Զեկույցում նշվում է, որ ՄԱԿ-ի թվերն արտացոլում են միայն հայտարարագրված արտահանումները, ինչը նշանակում է, որ իրական մատակարարումները կարող են ավելին լինել, ներառյալ՝ առանձին պայմանագրերով կամ որպես ռազմական օգնություն տրամադրված մեքենաները:
Թարգմանությունը՝ Էմմա Չոբանյանի
