Առաջարկվել է ՀՀ-ի և Ադրբեջանի միջև անհետ կորածների հետ կապված ԴՆԹ համեմատության անկախ մեխանիզմ ստեղծել

Հայաստանի և Ադրբեջանի միջև անհետ կորածների հետ կապված առաջարկվում է ստեղծել ԴՆԹ համեմատության անկախ մեխանիզմ։ Ադրբեջանական լրատվամիջոցների հաղորդմամբ՝ սա արտացոլվել է Անհայտ կորածների հարցերով միջազգային հանձնաժողովի գնահատման զեկույցում։

Նշվում է, որ ներկայում և՛ Հայաստանում, և՛ Ադրբեջանում կան Ղարաբաղյան Առաջին և Երկրորդ պատերազմների ժամանակ անհետ կորածներ, իսկ այն տարածքներում, որտեղ ռազմական գործողություններ են տեղի ունեցել, հայտնաբերված մնացորդները կարող են պատկանել երկու կողմերին։ Հետևաբար, ԴՆԹ-ի համեմատական ​​վերլուծության անկախ մեխանիզմի ստեղծումը կարող է լինել նույնականացումը հաստատելու և ընտանիքներին արդյունքներ ապահովելու մի քանի արդյունավետ միջոցներից մեկը:

Այս մեխանիզմի միջոցով, օրինակ, ICMP-ն կարող է ապահովել գիտական ​​և անաչառ գործընթաց, որի ընթացքում ԴՆԹ-ի պրոֆիլները համեմատվում են անանուն և համակարգված: Այս մոտեցումը կպաշտպանի նույնականացման գործընթացը ցանկացած քաղաքական կամ ազգային խնդիրներից:

Եթե ​​համապատասխանություն հաստատվի, համեմատության արդյունքները կներկայացվեն երկու երկրներին, և դատաբժշկական փորձագետներն ու համապատասխան մարմինները կկարողանան գիտական ​​ապացույցների հիման վրա տեղեկացված որոշումներ կայացնել:

Նշվում է, թե այս մեխանիզմը, բացի երկու ազգերի ընտանիքների համար պատասխաններ գտնելու հնարավորություն ստեղծելուց, կնպաստի նաև տարածաշրջանում համագործակցությանն ու հաշտեցմանը։ Այն հնարավորություն կտա ցուցաբերել հավատարմություն անհետ կորածներին գտնելու խնդրի հավաքական լուծմանը՝ որպես խնդրի, որը դուրս է ազգային սահմաններից։

Հավելենք, որ այսօր Բաքվում տեղի է ունեցել Անհետ կորածների միջազգային հանձնաժողովի (ICMP)՝ «Ադրբեջանի Հանրապետությունում անհայտ կորածների որոնումների վերաբերյալ գնահատման զեկույցի» շնորհանդեսը։

Թարգմանությունը՝ Էմմա Չոբանյանի