18.02.2026 | 16:22
Մայրաքաղաքում փոսալցում իրականացնող ընկերություններից մեկը փոխկապակցված է Ռոբերտ Քոչարյանի հետ
Իրանը պատրաստվում է Պուտինի այցին Թեհրան
Քաղաքականություն
12.05.2025 | 20:12
Թեհրանը սպասում է Ռուսաստանի նախագահ Վլադիմիր Պուտինի այցին, պատրաստվում է նրա ժամանմանը։ Այս մասին ՌԻԱ Նովոստիին ասել է Իրանի կառավարության խոսնակ Ֆաթեմեհ Մոհաջերանին, փոխանցում է Mehr գործակալությունը։
«Պուտինի Թեհրան այցը ներկայում մշակվում է, նախապատրաստական աշխատանքներն ընթացքի մեջ են»,- ասել է Մոհաջերանին։
Սա տեղի է ունենում այն բանից հետո, երբ անցյալ ամիս Իրանի ԱԳ նախարար Աբբաս Արաքչին հայտարարել էր, որ Թեհրանը հույս ունի՝ Պուտինն Իրան կայցելի 2025 թվականին։
Կրեմլը դեռևս չի հայտարարել Ռուսաստանի նախագահի Իրան այցի ծրագրերի մասին։
Ապրիլի սկզբին Իրանի արտաքին գործերի նախարար Աբբաս Արաղչին Մոսկվայում կայացած հանդիպման ժամանակ Ռուսաստանի նախագահ Վլադիմիր Պուտինին փոխանցել էր Իրանի գերագույն հոգևոր առաջնորդ Ալի Խամենեիի ուղերձը։ Նշելով Իրանի և Ռուսաստանի միջև Համապարփակ ռազմավարական գործընկերության պայմանագրի ստորագրման կարևորությունը՝ որպես երկու երկրների միջև համագործակցության ամենակարևոր նշան, Արաղչին ընդգծել էր Իսլամական Հանրապետության վճռականությունը՝ ամրապնդելու և ընդլայնելու երկկողմ հարաբերությունները Ռուսաստանի հետ բոլոր մակարդակներում։
Պուտինը, իր հերթին, ընդգծել էր Իրանի և Ռուսաստանի միջև ռազմավարական գործընկերության կարևորությունը՝ երկու երկրների միջև կապերի ամրապնդումը, տարածաշրջանային և միջազգային հարցերում համագործակցության և համակարգման հետ մեկտեղ, երկու ժողովուրդների շահերի պաշտպանության, խաղաղության և կայունության պահպանման և ամրապնդման միջոց անվանելով։
Թարգմանությունը՝ Էմմա Չոբանյանի
