16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Թրամփը կարծում է` ՌԴ-ն կհամաձայնվի հրադադարի․ նա «մտածում է» Ստամբուլում կայանալիք խաղաղության բանակցություններին մասնակցելու մասին
Քաղաքականություն
12.05.2025 | 20:48
ԱՄՆ նախագահ Դոնալդ Թրամփը հայտարարել է, որ կարող է մեկնել Ստամբուլ, որտեղ հինգշաբթի՝ մայիսի 15-ին, կարող է տեղի ունենալ Ուկրաինայի նախագահ Վլադիմիր Զելենսկիի և ՌԴ նախագահ Վլադիմիր Պուտինի հնարավոր հանդիպումը, գրում է Sky News-ը։
«Ես մտածում եմ այնտեղ թռչելու մասին։ Կա հնարավորություն, եթե կարծում եմ, որ ինչ-որ բան կարող է պատահել»,- ասել է Թրամփը։
Նա նշել է, որ ԱՄՆ վարչակազմը «շատ ջանասիրաբար աշխատում է՝ տեսնելու համար՝ արդյո՞ք կարող է դադարեցնել արյունահեղությունը»։
Թրամփը նաև կարծիք է հայտնել, որ Ռուսաստանը կհամաձայնվի Ուկրաինայում 30-օրյա հրադադարին։
Ուկրաինայի նախագահ Վլադիմիր Զելենսկին նախօրեին հայտարարել էր, որ մայիսի 15-ին կսպասի ՌԴ նախագահ Վլադիմիր Պուտինին Ստամբուլում։ Միաժամանակ, եվրոպացի առաջնորդները պնդում են, որ Ռուսաստանը պետք է համաձայնի հրադադարի՝ նախքան բանակցությունների մեկնարկը։
Կրեմլը դեռևս չի արձագանքել Զելենսկիի ուղղակի հրավերին։
Axios-ն էլ հայտնել էր, որ Զելենսկին մայիսի 15-ին կմեկնի Թուրքիա՝ Ռուսաստանի հետ հնարավոր բանակցությունների, նույնիսկ եթե Ռուսաստանը չհամաձայնվի մայիսի 12-ին հրադադար սկսել։
Հավելենք, որ Թրամփը մայիսի 11-14-ը ծրագրում է այցելել Սաուդյան Արաբիա և Կատար։
Թարգմանությունը՝ Էմմա Չոբանյանի
