06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Factor TV-ի ֆիլմն 1-ին տեղը զբաղեցրեց ՆԳՆ-ի մրցույթում. ՏԵՍԱՆՅՈՒԹ
Հասարակություն
20.12.2024 | 13:29
Factor TV-ի`«Թակարդ 420» ֆիլմը Ներքին գործերի նախարարության կազմակերպած մրցույթի «Թմրամիջոցների ապօրինի շրջանառությունը անչափահասների շրջանում» անվանակարգում զբաղեցրել է 1-ին տեղը:
Ֆիլմը պատմում է թմրանյութի ճիրաններում հայտնված մարդկանց, կախվածությունից ազատվել ցանկացողների, ինչպես նաև այդ ճանապարհին հանդիպող բազմաթիվ դժվարությունների մասին:
2023 թվականին թմրամիջոցների ապօրինի շրջանառության համար պատասխանատվության է ենթարկվել 10 անչափահաս, 2024 թվականի միայն առաջին եռամսյակում՝ 5 անչափահաս: «Թակարդ 420» ֆիլմը երիտասարդ հերոսի՝ Հայկի օրինակով անդրադառնում է այն երիտասարդներին, որոնք կյանքի այս կամ այն բարդ փուլում լուծումներ չտեսնելով՝ փորձում են խնդիրները կարգավորել թմրանյութեր գործածելով:
Ֆիլմին կից մշակվել է նաև ուղեցույց՝ ներառելով այն հինգ բաղադրիչները, որոնց անդրադարձ է կատարվել ֆիլմում՝ կրթություն, մեդիագրագիտություն, պետական մոտեցում, ազգային անվտանգություն և առողջապահություն: Ֆիլմի արտադրման և ուղեցույցի մշակման գաղափարի համատեքստում Հայաստանում թմրանյութերի շրջանառման միտումների զարգացումն է և արատավոր գործընթացի երիտասարդացումը, որն առավել հաճախ թիրախավորում է պատանիներին և դեռահասներին։
