Զելենսկին պատրաստ է մեղմել իր դիրքորոշումը ՌԴ-ի հետ բանակցությունների հարցում և պատրաստվել պատերազմի ավարտին. Bloomberg

Քաղաքականություն

09.10.2024 | 12:56

Լուրեր

15.12.2025 | 22:39

Էրդողանը հայտարարել է, թե 44-օրյա պատերազմի ժամանակ «երկրի թշնամիները Թուրքիային մեղադրում էին Ադրբեջանին աջակցելու մեջ»

15.12.2025 | 22:25

Հայաստանում կանցկացվի միջազգային խմբային հեծանվաերթ՝ ընդգրկելով ՀՀ տարբեր մարզեր

15.12.2025 | 22:14

Նախիջևանում պայմանագրայիններն ահազանգում են, որ իրենց աշխատավարձը չեն վճարում

15.12.2025 | 22:00

Գարեգին Բ-ի՝ գործակալ լինելու մասին պնդման հետքերով. ինչ է ասում դատախազությունը. ՏԵՍԱՆՅՈՒԹ

15.12.2025 | 21:51

Ռուսաստանում Pussy Riot խումբը հայտարարվել է «ծայրահեղական կազմակերպություն»

15.12.2025 | 21:40

Եվրամիությունն ընդլայնել է Ռուսաստանի դեմ պատժամիջոցները հիբրիդային հարձակումների պատճառով

15.12.2025 | 21:26

Հայաստանի մի շարք հասցեներում էլեկտրաէներգիայի անջատումներ կլինեն

15.12.2025 | 21:13

Ալիևը համաներում է նախաձեռնում. այն կվերաբերի ավելի քան 20,000 մարդու

15.12.2025 | 21:00

Սամվել Կարապետյանի սիրտը չցավա՞ց՝ ՌԴ-ի զենքն Ադրբեջանը ՀՀ-ի դեմ կիրառեց, թե՞ Կրեմլից չուներ հանձնարարություն․ Հովսեփ Խուրշուդյան. ՏԵՍԱՆՅՈՒԹ

15.12.2025 | 20:49

Ավտոբուսը յուղ էր վառում․ վարորդը մեքենան վարել է անսարք վիճակում և չի զեկուցել. ՏԵՍԱՆՅՈՒԹ

15.12.2025 | 20:33

Միրզոյանը կմեկնի Լյուքսեմբուրգ. Բետելի հետ նախատեսված է երկկողմ փաստաթղթի ստորագրում

15.12.2025 | 20:27

2015-ին շուռ եկած տոնածառը վերադարձել է Գյումրիի հրապարակ․ 24 մլն դրամ՝ վերանորոգման ու ձևավորման համար

15.12.2025 | 20:25

Սենց ո՞ւր ենք ուզում հասնենք, աստղաբաշխական թվեր են. Yandex-ի վարորդ. ՏԵՍԱՆՅՈՒԹ

15.12.2025 | 20:12

Գյանջայում ընթանում է Ստեփանակերտի բնակիչ Կարեն Ավանեսյանի գործով դատավարությունը

15.12.2025 | 20:00

«Նոա»-ն` պատմական նվաճման շեմին․ ինչ սպասել հաջորդ խաղերում․ զրույց Էդուարդ Քալանթարյանի հետ. ՏԵՍԱՆՅՈՒԹ

Բոլորը

Ուկրաինայի նախագահ Վլադիմիր Զելենսկին պատրաստ է քննարկել Ռուսաստանի հետ բանակցությունների պայմանները և վերջ դնել պատերազմին։ Այս մասին Bloomberg-ին հայտնել են Ուկրաինայի նախագահի և արևմտյան առաջնորդների միջև բանակցությունների ընթացքին ծանոթ մի քանի պաշտոնյաներ։

Աղբյուրներից մեկի համաձայն՝ Զելենսկիի առաջարկած «հաղթական ծրագիրը» Վաշինգտոնում արժանացել է սառը ընդունելության։ ԱՄՆ պաշտոնյաները խնդրել են Կիևին ձևակերպել ճանապարհային քարտեզ, թե ինչ է իրեն անհրաժեշտ հաջորդ տարվա համար, ներառյալ՝ ռազմական տեխնիկան, արդյունաբերական զարգացման և ֆինանսական աջակցությունը: Ուկրաինայի նախագահն օգնականներ է ուղարկել Վաշինգտոն՝ պլանի մանրամասների վրա աշխատելու համար։

Պարբերականի տվյալներով՝ արևմտյան դաշնակիցները մեծացրել են ճնշումը Կիևի վրա՝ հօգուտ պատերազմի դադարեցման կոնկրետ ծրագրի։ Բարձրաստիճան պաշտոնյան գործակալությանն ասել է՝ քանի որ Կիևը դեռևս չի բացահայտել իր ծրագրի բոլոր մանրամասները, ուկրաինացի պաշտոնյաները կարող են օգտագործել ռազմավարական երկիմաստության տարր, որը նրանց հետագա մանևրելու հնարավորություն կտա:

Պարբերականի մեկ այլ զրուցակցի խոսքով, որը ծանոթ է Ուկրաինայի՝ ՆԱՏՕ-ին անդամակցության հարցով բանակցություններին, հրադադարի բանակցությունների ընթացքում ԱՄՆ-ի կողմից անվտանգության հուսալի երկկողմ երաշխիքներն իրականում կնշանակեն Կիևի անդամակցությունը դաշինքին։ Միևնույն ժամանակ, նա պարզաբանել է, որ Մոսկվան կտրականապես դեմ է Ուկրաինայի անդամակցությանը ՆԱՏՕ-ին, հետևաբար, պարզ չէ, թե ինչ բանաձև կօգնի բոլոր կողմերին բանակցային սեղանի շուրջ նստեցնել։

Ուկրաինան պնդում է նախագահ Զելենսկիի առաջարկած «խաղաղության բանաձևի» իրականացումը, որը ներառում է վերադարձ 1991 թվականի սահմաններին և ռուսական զորքերի դուրսբերում գրավյալ տարածքներից։

ՌԴ նախագահ Վլադիմիր Պուտինը հունիսի կեսերին ներկայացրել է «հակամարտությունը դադարեցնելու» իր ծրագիրը։ Այն ներառում է Ուկրաինայի Զինված ուժերի դուրսբերումը Ռուսաստանի կողմից գրավված ուկրաինական շրջաններից, Կիևի կողմից այդ տարածքների և Ղրիմի նկատմամբ վերահսկողության կորստի ճանաչումը, Ուկրաինայի՝ ՆԱՏՕ-ին միանալու մերժումը, երկրի միջուկային զենքից ազատ կարգավիճակի ապահովումը և արևմտյան պատժամիջոցների վերացումը Ռուսաստանի նկատմամբ։ Կիևում ծրագիրն անմիջապես մերժել են՝ այն անվանելով անընդունելի։

Թարգմանությունը՝ Տաթև Ֆռանգյանի