24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Հյուսիսային Կորեան բացել է սահմաններն օտարերկրյա զբոսաշրջիկների համար
Քաղաքականություն
16.01.2025 | 22:28
Հյուսիսային Կորեան պաշտոնապես բացել է Հյուսիսային Կորեայի հյուսիս-արևելքում գտնվող Rason հատուկ տնտեսական գոտին օտարերկրյա զբոսաշրջիկների համար, հայտնում է չինական Young Pioneer Tours տուրօպերատորը:
Ընկերության կայքում տեղադրված հաղորդագրության մեջ նշվում է, որ այսօրվանից ազատ տնտեսական գոտին պաշտոնապես բաց է օտարերկրացիների այցելությունների համար։ Տուրիստական գործակալությունը վկայակոչում է ԿԺԴՀ-ի գործընկերների խոսքերը։ Ըստ տուրօպերատորի՝ Rason-ն իր սահմանները կբացի զբոսաշրջիկների համար ամբողջ աշխարհից՝ բացառությամբ ԱՄՆ-ի և Հարավային Կորեայի քաղաքացիների։
«Սպասվում է, որ առաջինը գոտի կմտնեն չինացի հյուրերը»,- ասվում է հաղորդագրությունում։
Ավելի վաղ AFP-ն հայտնել էր, որ երեք տուրօպերատորներ Չինաստանում և Իսպանիայում հայտնել են ծանուցում ստանալու մասին, որ օտարերկրյա զբոսաշրջիկներն այժմ կարող են այցելել Հյուսիսային Կորեայի Rason ազատ տնտեսական գոտի, որը սահմանակից է Ռուսաստանին և Չինաստանին:
Թարգմանությունը՝ Տաթև Ֆռանգյանի
