08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Թրամփի հետաքրքրությունը Գրենլանդիայի նկատմամբ կապված է նավթի և գազի պաշարների հետ․ Politico
Քաղաքականություն
16.01.2025 | 20:43
ԱՄՆ նորընտիր նախագահ Դոնալդ Թրամփը կարող է դիտարկել Գրենլանդիան գնելու հնարավորությունը նավթի և գազի պաշարների համար, գրում է Politico-ն։
Գրենլանդիայի նավթի ու գազի հանքավայրերի օգտագործումը կարող է շահութաբեր բիզնես դառնալ ամերիկյան ընկերությունների համար, նշում է պարբերականը։
Ըստ ԱՄՆ Երկրաբանական ծառայության 2019 թվականի գնահատականների՝ կղզու նավթի պաշարները կազմում են մոտավորապես 31,4 միլիոն բարել, իսկ բնական գազի պաշարները՝ 4,2 տրիլիոն խորանարդ մետր։ Միաժամանակ, արտադրություն սկսելու համար կպահանջվեն զգալի ներդրումներ, սակայն բիզնեսի շահութաբերությունը մնում է բավականին բարձր, նշում են մասնագետները։
Պարբերականը հիշեցնում է, որ 2021 թվականից Գրենլանդիայում գործում է ածխաջրածինների արտադրության մորատորիում՝ Արկտիկայի փխրուն էկոլոգիայի համար բնապահպանական ռիսկերի պատճառով։ Բնապահպանները Politico-ին ասել են, որ եթե հանքարդյունաբերությունը սկսվի, կարող է լուրջ հետևանքներ սպառնալ կղզու կենդանական և բուսական աշխարհին, որոնք հաղթահարելու համար կարող են տասնամյակներ կամ նույնիսկ դարեր պահանջվել:
ԱՄՆ նորընտիր նախագահը Գրենլանդիան վերահսկելու ծրագրերի մասին հայտարարել է 2024 թվականի վերջից։ Նա դա անվանել է «ամբողջ աշխարհում ազգային անվտանգության և ազատության խնդիր»:
Թարգմանությունը՝ Տաթև Ֆռանգյանի
