08.10.2026 | 18:19
Միրզոյանն ու Ղազախստանի ԱԳ նախարարը քննարկել են տարածաշրջանային փոխկապակցվածությունն ու խաղաղության ջանքերը
Հասել ենք հարաբերությունների նոր մակարդակի․ Զելենսկին՝ Սթարմերի այցի մասին
Քաղաքականություն
16.01.2025 | 23:02
Ուկրաինայի նախագահ Վլադիմիր Զելենսկին և Մեծ Բրիտանիայի վարչապետ Քիր Սթարմերը, որն այցով Կիևում էր, ստորագրել են Ուկրաինայի և Մեծ Բրիտանիայի միջև հարյուրամյա գործընկերության համաձայնագիրը։
«Այսօր մենք հասել ենք հարաբերությունների նոր մակարդակի, և դրանք ավելին են, քան ռազմավարական հարաբերությունները։ Մենք ստորագրել ենք 100-ամյա համագործակցության պայմանագիր։ Վստահ ենք մեր պետության անկախության հարցում, դա մի բան է, որից ուկրաինացիները երբեք չեն հրաժարվի։ Մենք վստահ ենք մեր եվրոպացի գործընկերների վրա, և դա ուժեղացնում է Ուկրաինան, Մեծ Բրիտանիան և մեր ողջ եվրատլանտյան տարածքը», – BBC-ի ռուսական ծառայության փոխանցմամբ՝ ասել է Զելենսկին համատեղ մամուլի ասուլիսի ժամանակ:
Նա նաև հաստատել է, որ Բրիտանիան պարտավորվում է ամեն տարի Ուկրաինային տրամադրել 3 միլիարդ ֆունտի (3,7 միլիարդ դոլար) ռազմական օգնություն:
Մեծ Բրիտանիայի վարչապետն իր հերթին հայտարարել է Ուկրաինային բրիտանական արտադրության հրետանու խմբաքանակի, ինչպես նաև հակաօդային պաշտպանության նոր շարժական համակարգերի փոխանցման մասին։ Նա նաև հայտնել է ուկրաինացի զինվորականներին իրենց դաշնակիցների հետ միասին վերապատրաստելու հետագա ծրագրերի մասին։
Թարգմանությունը՝ Տաթև Ֆռանգյանի
