26.06.2026 | 17:18
Հակասահմանադրական դրույթ է, երբ խմբագրվում է ընտրական իրավունքը. կարծիքս բացասական է. Վարդինե Գրիգորյան․ ՏԵՍԱՆՅՈՒԹ
Չխոսկան հարսների, անհետացած աշխատավորների և ծեսերի արժեզրկման մասին. ապաքաղաքական զրույց Գայանե Շագոյանի հետ․ ՏԵՍԱՆՅՈՒԹ
Հաղորդաշարեր
04.08.2024 | 21:00
Factor TV-ի A-politic հաղորդաշարի հյուրն է մշակութային մարդաբան Գայանե Շագոյանը: Նա փաստում է, որ ցանկացած իշխանության նպատակն է փոխարինել հին ծեսերը նորերով կամ արդեն ընդունված ավանդույթներին նոր բովանդակություն տալ: Որպես օրինակ՝ գիտնականը բերում է «տրնդեզի» փոխադրումը փետրվարի 14, և դրանով փորձ է արվում մի մշակութային ավանդույթը ծածկել մյուսով:
Դառնալով հարսանեկան ծեսին՝ հաղորդման հյուրն արձանագրում է տարբեր պստմական շերտերի զուգորդումը՝ սկսած ամենաարխայիկ շերտից, երբ հարսն անգամ իրավունք չուներ «այո» ասելու և պետք է միայն գլխով աներ: Գայանե Շագոյանն անդրադառնում է նաև ՔԿԱԳ-երում արտասանվող տեքստերին, որոնք գալիս են խորհրդային ժամանակների ավանդույթներից:
Գիտնականը նշում է, որ որոշ տոներ խամրում են, արժեզրկվում, ինչպես, օրինակ, մայիսի 1-ը, որը նախորդ դարաշրջանում ուներ գաղափարախոսական երանգ: Բացի այդ, այն ժամանակ աշխատավորություն ասելով հասկանում էին հիմնականում բանվոր դասակարգ, որն այժմ, ըստ էության, դուրս է եկել ասպարեզից:
Մանրամասները՝ տեսանյութում:
Արամ Աբրահամյան
