07.11.2026 | 10:33
Ռոբերտ Փիլիպոսյանը՝ կայծակնային շախմատի Մ-20 ԱԱ-ի բրոնզե մեդալակիր
Եվրոպայի խորհրդի ծրագրի շրջանակում քննարկվել են Հարկադիր կատարման համակարգի բարեփոխումները
Հասարակություն
21.06.2024 | 22:24
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Արդարադատության նախարարի տեղակալ Լևոն Բալյանը մասնակցել է Եվրոպայի խորհրդի՝ Հայաստանի համար իրականացվող 2023-2026 թթ․ Գործողությունների ծրագրի շրջանակներում «Աջակցություն Հայաստանում Մարդու իրավունքների եվրոպական դատարանի վճիռների արդյունավետ կատարմանը» ծրագրի համակարգող խորհրդի նիստին: Այս մասին տեղեկացնում են ՀՀ արդարադատության նախարարությունից։
«Ելույթում Լևոն Բալյանը շնորհակալություն է հայտնել Եվրոպայի խորհրդին՝ Արդարադատության նախարարության հետ արդյունավետ համագործակցության և Ծրագրի շրջանակներում հարկադիր կատարման համակարգի հիմնարար բարեփոխումներին աջակցելու համար: Նախարարի տեղակալն ընգծել է, որ եվրոպական չափանիշներին համապատասխանող «Կատարողական վարույթի մասին» նոր օրենքի ընդունումը հիմնաքարային նշանակություն է ունենալու հարկադիր կատարման համակարգի հետագա բարեփոխումների և Մարդու իրավունքների եվրոպական դատարանի կողմից Հայաստանի Հանրապետության դեմ կայացված՝ դատական ակտերի կատարման փուլին առնչվող վճիռների ամբողջական կատարումն ապահովելու տեսանկյունից:
Լևոն Բալյանը նշել է նաև, որ մինչև նոր օրենքի կիրարկումն ապահովելը, դեռևս մեծ աշխատանք կա կատարելու՝ հարկադիր կատարողների, դատավորների վերապատրաստումների իրականացման, նոր օրենքի վերաբերյալ ուղեցույցների մշակման ուղղությամբ:
Ծրագրի համակարգող խորհրդի նիստին մասնակցել են նաև ՀՀ գլխավոր հարկադիր կատարող Արսեն Մնացականյանը և Արդարադատության նախարարի խորհրդական Էլինա Գեղամյանը»,- ասված է հաղորդագրության մեջ:
