06.08.2026 | 20:22
Տրամադրվել է օտարերկրյա պետություններում ՀՀ քաղաքացու վավերական 489 անձնագիր
Կեղծ քաղաքագետների և ամենագիտության համաճարակի մասին. ապաքաղաքական զրույց Հովհաննես Նիկողոսյանի հետ. ՏԵՍԱՆՅՈՒԹ
Հաղորդաշարեր
23.06.2024 | 21:00
Factor TV-ի A-politic հաղորդաշարի հյուրն է Հայաստանի ամերիկյան համալսարանի դասախոս Հովհաննես Նիկողոսյանը: Նրա կարծիքով՝ կան հստակ չափանիշներ, որոնցով հնարավոր է որոշել՝ տվյալ անձնավորությունը քաղաքագե՞տ է, թե՞ պարզապես քաղաքականության մասին իր կարծիքն արտահայտող: Դրանք են՝ գիտական լուրջ ամսագրերում հոդվածներ հրապարակելը, գրախոսությունների, մեջբերումների քանակը, գիտական կոնֆերանսներին մասնակցելը և այլն:
Ըստ նրա՝ թյուրիմացությունների համար պատասխանատու են նաև լրատվամիջոցները, որոնք, երբեմն առանց մարդու համաձայնության, նրան ներկայացնում են որպես քաղաքագետ:
Հաղորդման ընթացքում խոսք է գնում ամերիկացի նշանավոր լեզվաբան և հանրային գործիչ Նաում Չոմսկու մասին, որին նույնպես հաճախ «քաղաքագետ» են անվանում՝ չնայած նա երբեք այդպես չի ներկայանում:
Հովհաննես Նիկողոսյանը կարևորում է նաև ակադեմիական ազատությունը: Քաղաքագետը բերում է Չիկագոյի համալսարանի պրոֆեսոր Ջոն Միրշայմերի օրինակը, որի տեսակետը ռուս-ուկրաինական պատերազմի մասին խիստ տարբերվում է ավանդական արևմտյան պատումներից: Նույնիսկ Միրշայմերին հեռացնելու հարց է բարձրացվել, սակայն համալսարանի ղեկավարությունը գտել է, որ դա ոտնձգություն կլիներ գիտնականի ակադեմիական ազատության վրա, և թույլատրել է նրան շարունակել աշխատանքը:
Մանրամասները՝ տեսանյութում։
Արամ Աբրահամյան
