Տնտեսություն
07.06.2024 | 21:15HOMING EXPO 2024 նախադեպը չունեցող ցուցահանդեսն այսօր իր դռներն է բացել «Մերիդիան» ցուցահանդեսային համալիրում։ Տեղում իրենց առաջարկներն են ներկայացնում կահավորման, էքստերիեր-ինտերիեր դիզայնի և հարակից ոլորտներում գործող ընկերություններ։ Այն հնարավորություն է տալիս այս ոլորտներում հետաքրքրված կամ ոլորտների ծառայությունների կարիքն ունեցող մարդկանց միանգամից, մեկ հարթակում հանդիպել առաջատար և լավագույն առաջարկները ներկայացնող ընկերություններին։
Ցուցահանդեսը կազմակերպվում է առաջին անգամ և համարվում է «Big Projects» ընկերության կողմից կազմակերպվող «TOON EXPO» անշարժ գույքի և կառուցապատման ոլորտի հեղինակավոր ցուցահանդեսի տրամաբանական շարունակությունը և լինելու է ամենամյա։
«Big Projects» ընկերության համահիմնադիր Դիանա Հարոյանն ընդգծում է՝ ցուցահանդեսին ներկայացված են 70-ից ավելի ընկերություններ, բոլորը՝ հատուկ առաջարկներով և զեղչերով։
Litokol ընկերությունը շուկայում հանդես է գալիս շինարարական պրոֆեսիոնալ լուծումներով։ Իտալական տեխնոլոգիայով Հայաստանում արտադրվում են սալիկի սոսինձներ, ջրամեկուսացման նյութեր, սալիկի խնամքի միջոցներ, կարանյութեր և այլն։ Litokol-ից բացի՝ ընկերությունը HOMING EXPO-ին ներկայանում է ևս երկու ապրանքանիշով։
Haybed-ը ներկայացնում է ներքնակներ, ներքնակերեսներ, վերմակներ, բարձեր: Ունենալով լայն տեսականի, շուկայում դիրքավորված լինելով «լավագույն որակ՝ շահավետ գնով» սկզբունքով՝ կարողանում է բավարարել իր բոլոր հաճախորդների կարիքները: Ընկերությունը ցուցահանդեսի օրերին առաջարկում է բացառիկ զեղչեր, որոնք գործելու են մինչև դեկտեմբերի 31-ը։
Iteq ընկերությունը շուկայում լինելով ավելի քան 10 տարի՝ առաջարկում է բարձրակարգ փակող-կողպող լուծումներ հյուրանոցների, բանկերի, առևտրային և բիզնես կենտրոնների, հիվանդանոցների, գրասենյակների և բնակարանների համար։ Այն հանդիսանում է ASSA ABLOY խմբին պատկանող մի շարք առաջատար արտադրողների միակ պաշտոնական ներկայացուցիչը Հայաստանում:
Խելացի տան հավելվածի միջոցով ZiGo Smart Solutions ընկերությունը սեփականատիրոջն առաջարկում է լիարժեք վերահսկում և կառավարում բնակարանի կամ սեփական տան բոլոր սարքավորումների համար, ինչպես ձայնային հրահանգի, այնպես էլ սմարթֆոնի միջոցով։
Eco Step ընկերությունը, լինելով մի շարք առաջատար արևային բրենդների պաշտոնական գործընկերը Հայաստանում, առաջարկում է արևային էներգիայի պրեմիում դասի ֆոտովոլտային կայաններ և այլ լուծումներ տան ու բիզնեսի համար, ինչպես նաև էլեկտրոմոբիլների լիցքավորման կայաններ, այլընտրանքային էներգետիկային առնչվող այլ ծառայություններ, ինչպիսիք են լիցենզավորման, ֆինանսավորման, նախագծման աշխատանքները։
HOMING EXPO ցուցահանդեսին բազալտե ամրանների և ամրանային ցանցերի իր տեսականիով է ներկայացել ArmBas ընկերությունը։ Այն նաև բետոնե օժանդակ նյութերի և սարքավորումների ներկրող է։
HOMING EXPO 2024 խոշոր ցուցահանդեսի հովանավորներն են Masoor Studio-ն և TOTAL Armenia-ն։ «Մերիդիան» ցուցահանդեսային համալիրում կա առանձին անկյուն, որտեղ ցուցադրվում են արվեստի օբյեկտներ, անցկացվում են սպասքադրման մաստեր-կլասներ, ինչպես նաև մեծ խաղարկություն։ Ցուցահանդեսը բաց է հունիսի 7-ից մինչև 9-ը։
Մանրամասները՝ տեսանյութում։
Անի Թամրազյան
