07.11.2026 | 10:22
Արմեն Գրիգորյանը վերընտրվել է Գլխավոր դատախազին առընթեր էթիկայի հանձնաժողովի անդամ
«Սիներջիի» գործով 5 մեղադրյալի նկատմամբ հետապնդումը դադարեցվել է. նրանց մեջ է Ալեն Սիմոնյանի եղբոր կինը
Հասարակություն
05.06.2024 | 23:20
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
«Սիներջի» ընկերության գործով անցնող 6 մեղադրյալներից 5-ի նկատմամբ հանրային քրեական հետապնդումը դադարեցվել է: Նրանց մեջ են նաև Ազգային ժողովի նախագահ Ալեն Սիմոնյանի եղբոր կինն ու նախկին փոխնախարար Անի Իսպիրյանը:
Գլխավոր դատախազի խորհրդական Լուսինե Մարտիրոսյանը Factor TV-ի հարցին ի պատասխան ասաց, որ մեղադրյալներից մեկի՝ Ա.Ղ.-ի նկատմամբ հանրային քրեական հետապնդումը դադարեցվել է՝ մեղսագրվող արարքը վերջինիս կողմից կատարված չլինելու հիմքով, իսկ մյուս 5 մեղադրյալների նկատմամբ՝ գործուն զղջալու հիմքով:
«Նկատի ունենալով, որ ներքոնշյալ անձինք նախաքննության ընթացքում համագործակցել են քրեական հետապնդման մարմնի հետ, ամբողջությամբ ընդունել և չեն վիճարկել իրենց ներկայացված մեղադրանքները, դրանցում նկարագրված փաստական հանգամանքները՝ հսկող դատախազի կողմից նշված անձանց կողմից ներկայացված միջնորդությունների քննարկման արդյունքում, որոշումներ են կայացվել վերջիններիս նկատմամբ գործուն զղջալու հիմքով հանրային քրեական հետապնդումը դադարեցնելու մասին:
Մասնավորապես՝
2024 թվականի մայիսի 17-ին առևտրային կազմակերպության աշխատակից Լ.Մ.-ի նկատմամբ հարուցված հանրային քրեական հետապնդումը դադարեցվել է՝ գործուն զղջալու հիմքով:
2024 թվականի մայիսի 20-ին առևտրային կազմակերպության աշխատակից Ա.Գ.-ի նկատմամբ հարուցված հանրային քրեական հետապնդումը դադարեցվել է՝ գործուն զղջալու հիմքով:
2024 թվականի մայիսի 23-ին Էկոնոմիկայի նախարարության աշխատակից Ա.Ս.-ի նկատմամբ հարուցված հանրային քրեական հետապնդումը դադարեցվել է՝ գործուն զղջալու հիմքով:
2024 թվականի մայիսի 27-ին Էկոնոմիկայի նախարարության աշխատակից Ա.Ի.-ի նկատմամբ հարուցված հանրային քրեական հետապնդումը դադարեցվել է՝ գործուն զղջալու հիմքով:
2024 թվականի մայիսի 29-ին Էկոնոմիկայի նախարարության աշխատակից Ս.Գ.-ի նկատմամբ հարուցված հանրային քրեական հետապնդումը դադարեցվել է՝ գործուն զղջալու հիմքով»,- հայտնում են Դատախազությունից:
Նշենք, որ այս գործով մեղադրյալի կարգավիճակ ունի նաև Էկոնոմիկայի նախկին նախարար Վահան Քերոբյանը:
Հիշեցնենք, որ Քննչական կոմիտեում քննվող գործը վերաբերում է Էկոնոմիկայի նախարարության կարիքների համար մրցույթում առերևույթ չարաշահումներ կատարելուն:
