22.06.2026 | 13:35
ՏԿԵ փոխնախարարը ընդերքօգտագործողների հետ քննարկել է փոշեճնշիչ սարքավորումների պարտադիր կիրառումը
Ադրբեջանում դատարանը 14 տարվա ազատազրկման է դատապարտել Նախիջևանի մասին տեղեկություններ հավաքագրած լրտեսին
Քաղաքականություն
05.06.2024 | 22:10
Նախիջևանի ծանր հանցագործությունների դատարանն Ադրբեջանի քաղաքացի Ֆիզուլի Ասադովին դատապարտել է 14 տարվա ազատազրկման՝ օտարերկրյա հետախուզական ծառայության հետ համագործակցելու մեղադրանքով, գրում են տեղական լրատվամիջոցները։
Ֆիզուլի Ասադովը կալանավորվել էր անցած տարվա սեպտեմբերի 15-ին՝ Պետական անվտանգության ծառայության կողմից իրականացված հատուկ քննչական միջոցառումների արդյունքում։ Նա մեղադրվում է օտարերկրյա հետախուզական ծառայության ներկայացուցիչների ցուցումները կատարելու մեջ՝ ի վնաս Ադրբեջանի ինքնիշխանության, տարածքային ամբողջականության, պետական անվտանգության և պաշտպանունակության։
Ըստ մեղադրական եզրակացության՝ նա նյութական շահի դիմաց ներգրավվել է օտարերկրյա հետախուզական ծառայության ներկայացուցիչների կողմից գաղտնի համագործակցության մեջ, ստացել է հանձնարարություններ՝ տեղեկություններ հավաքել ի վնաս Ադրբեջանի պետական անվտանգության, զբաղվել է տեղեկությունների հավաքագրմամբ Նախիջևանում զորամասերի, ռազմավարական ձեռնարկությունների, ճանապարհների, կապի միջոցների, կենսապահովման օբյեկտների տեղակայման մասին և դրանք փոխանցել օտարերկրյա հետախուզական ծառայության ներկայացուցչին։
Չի նշվում, սակայն, թե որ երկրի հետախուզական ծառայության հետ է Ֆիզուլի Ասադովը համագործակցել։
