Ալիևը՝ Արցախից ռուս խաղաղապաների վաղաժամ դուրսբերման որոշման մասին

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

Ադրբեջանի նախագահ Իլհամ Ալիևը վերահաստատել է՝ Արցախից ռուս խաղաղապահների վաղաժամ դուրսբերման որոշումը կայացրել է ՌԴ նախագահ Վլադիմիր Պուտինի հետ համատեղ։

«2020թ․ նոյեմբերի 9-ին մենք նախագահ Պուտինի միջոցով բանակցել ենք եռակողմ հայտարարության շուրջ, քանի որ հայ գործընկերների հետ կապ չենք ունեցել։ Քննարկվել է ռուս խաղաղապահների հարցը, և Հայաստանի դիրքորոշումն այն էր, որ նրանց համար ժամկետի սահմանափակումներ չպետք է լինեն։ Այսինքն՝ նրանք պետք է հավերժ մնան։ Մենք չկարողացանք համաձայնվել սրա հետ և պնդեցինք, որ ժամկետի սահմանափակում պետք է լինի։ Սա ամենադժվար մասերից մեկն էր, որի շուրջ երկու կողմերն էլ չկարողացան համաձայնության գալ»,- ասել է նա։

Ալիևը հավելել է, որ Բաքուն պայման է դրել՝ եթե համաձայնություն չլինի, կշարունակեն ռազմական ագրեսիան։ Ըստ նրա՝ խաղաղապահների դուրսբերման համատեղ որոշումը միայն ամրապնդել է ռուս-ադրբեջանական հարաբերությունները։

«Վստահ եմ, որ այս որոշումն ամրապնդել է մեր հարաբերությունները, ինչպես նաև երկկողմ հարաբերությունների հանրային ընկալումը կամ հանրային գնահատականը։ Դա ցույց է տալիս, որ երբ երկրները պահպանում են շփման նորմալ ուղիները, հարգում են միմյանց, համագործակցում և ոչինչ չեն անում միմյանց դեմ, նրանք կարող են պայմանավորվել նույնիսկ ամենազգայուն հարցերի շուրջ։ Եվ այս օրինակը դրա վառ հաստատումն է»,- ասել է Ադրբեջանի նախագահը։

Հիշեցնենք, որ ապրիլի 16-ի երեկոյան ադրբեջանական լրատվամիջոցները հայտնեցին, որ հայկական Դադիվանք վանական համալիրի պաշտպանությունը ռուս խաղաղապահները փոխանցել են ադրբեջանական ոստիկանությանը։ Դրանից հետո սկսեցին տարածվել ռուս խաղաղապահների տեխնիկայի շարասյուների տեղաշարժի տեսանյութեր։ Ավելի ուշ պաշտոնական Բաքուն ու Մոսկվան հաստատեցին, որ սկսվել է Արցախից ռուս խաղաղապահների վաղաժամ դուրսբերման գործընթացը։ Ադրբեջանի նախագահի օգնական Հիքմեթ Հաջիևն էլ հայտնեց, որ երկու երկրների բարձրագույն ղեկավարության կողմից որոշում է կայացվել ժամանակից շուտ Արցախից դուրս բերել ՌԴ խաղաղապահներին։