14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Ցնցված ենք Մոսկվայում անմարդկային ահաբեկչության մասին սարսափելի լուրերից. ՀՀ ԱԳՆ
22.03.2024 | 23:56
ՀՀ ԱԳՆ-ն X-ի միկրոբլոգում անդրադարձել է մերձմոսկովյան «Կրոկուս սիթի Հոլլում» տեղի ունեցածին։
«Ցնցված ենք Մոսկվայում տեղի ունեցած անմարդկային ահաբեկչության մասին սարսափելի լուրերից։ Սգում ենք անմեղ մարդկանց կորուստը և շուտափույթ ապաքինում մաղթում բոլոր վիրավորներին և տուժածներին»,- ասված է ԱԳՆ X-ի միկրոբլոգում։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին:
ԱՄՆ նախագահ Ջո Բայդենի վարչակազմը ցավակցություն է հայտնել Մոսկվայի «Կրոկուս սիթի հոլ» համերգասրահում տեղի ունեցած ահաբեկչության զոհերի և վիրավորների ընտանիքներին։
Ռուս պաշտոնյաները «Կրոկուս սիթիի» վրա հարձակումն ահաբեկչություն են որակել։
Նախնական տվյալներով՝ 40 մարդ է զոհվել, ավելի քան 100-ը՝ տուժել։ «ՌԻԱ Նովոստի»-ի փոխանցմամբ՝ այս մասին տեղեկացնում են ԱԴԾ հանրային կապերի կենտրոնից:
