05.08.2026 | 10:45
Ուկրաինան նոր հարված է հասցրել Wildberries-ին․ հրդեհվել է Տուլայի մարզի պահեստը․ ՏԵՍԱՆՅՈՒԹ
Ռուս պաշտոնյաները «Կրոկուս սիթիի» վրա հարձակումն ահաբեկչություն են որակել
Քաղաքականություն
22.03.2024 | 23:04
Ռուսական լրատվամիջոցները և որոշ պաշտոնյաներ արդեն սկսել են ահաբեկչություն որակել «Կրոկուսում» համերգի մասնակիցների վրա հարձակումը, գրում է BBC-ի ռուսական ծառայությունը:
ՌԴ ԱԳՆ պաշտոնական ներկայացուցիչ Մարիա Զախարովան համերգասրահում տեղի ունեցածն անվանել է «արյունալի ահաբեկչություն»։
Մարդու իրավունքների հանձնակատար Տատյանա Մոսկալկովան իր Telegram ալիքում ցավակցություն է հայտնել ահաբեկչության զոհերի ընտանիքներին։
Մոսկվայի մարզի նահանգապետ Անդրեյ Վորոբյովն էլ դեպքի առնչությամբ գրել է.
«Տեղում արվում է ամեն ինչ՝ մարդկանց փրկելու համար։ «Կրոկուսի» մոտ 70-ից ավելի շտապօգնության թիմ կա, բժիշկներն անհրաժեշտ օգնություն են ցուցաբերում բոլոր տուժածներին»։
Մոսկվայի քաղաքապետ Սերգեյ Սոբյանինն իր ալիքում գրել է «Կրոկուս սիթի առևտրի կենտրոնում տեղի ունեցած սարսափելի ողբերգության» մասին և հայտարարել հանգստյան օրերին մայրաքաղաքում ժամանցային միջոցառումների չեղարկման մասին։
Հիշեցնենք, որ մերձմոսկովյան « Կրոկուս Սիթի Հոլլում», որտեղ պետք է կայանար «Պիկնիկ» խմբի համերգը, պայթյուն է տեղի ունեցել: Մինչ այդ տեղեկություն էր ստացվել «Կրոկուս Սիթի Հոլ»-ում կրակոցների մասին: Ավելի ուշ հայտնի է դարձել, որ միջադեպի հետևանքով առնվազն 10 մարդ է զոհվել:
