09.05.2024 | 14:37
Ռուս սահմանապահները կմնան հայ-թուրքական և հայ-իրանական սահմանին․ Պեսկով
Սպիտակ տունը «Կրոկուս սիթիում» տեղի ունեցածն անվանել է «սարսափելի հարձակում»
Քաղաքականություն
22.03.2024 | 23:13
ԱՄՆ նախագահ Ջո Բայդենի վարչակազմը ցավակցություն է հայտնել Մոսկվայի «Կրոկուս սիթի հոլ» համերգասրահում տեղի ունեցած ահաբեկչության զոհերի և վիրավորների ընտանիքներին։ Այս մասին լրագրողների հետ ճեպազրույցում հայտարարել է ԱՄՆ Ազգային անվտանգության խորհրդի ռազմավարական հաղորդակցությունների համակարգող Ջոն Քիրբին։
«Մենք բոլորս տեսնում ենք Մոսկվայից հաղորդագրություններ և տեսագրություններ: Մենք փորձում ենք ավելի շատ տեղեկություններ ստանալ։ Կադրերն ուղղակի սարսափելի են, շատ դժվար է դրանք նայել։ Սա դժվար օր է լինելու, մեր մտքերը նրանց հետ են (զոհվածների և վիրավորների ընտանիքների)»,- ասել է Սպիտակ տան ներկայացուցիչը՝ միջադեպն անվանելով «սարսափելի հարձակում»:
Քիրբին նաեև ասել է, որ ԱՄՆ-ը նախնական տեղեկություններ չի ունեցել Մոսկվայում տեղի ունեցած ահաբեկչության մասին։
Պատասխանելով հարցին, թե արդյոք Ուկրաինան կարող է կանգնած լինել «Կրոկուս սիթիում» տեղի ունեցած հարձակման հետևում, Սպիտակ տան խոսնակն ասել է, որ այս պահին որևէ ապացույց չկա, որ Ուկրաինան կամ ուկրաինացիները որևէ կերպ կապված են ահաբեկչության հետ։
