07.11.2026 | 11:11
Նավթի գները նվազել են
ԵՄ-ն Ադրբեջանի իշխանություններին կոչ է անում ապահովել խոսքի ազատությունը
Քաղաքականություն
08.03.2024 | 20:49
Լուրեր
07.11.2026 | 09:42
Հայաստանը, ԱՄՆ-ն և Ադրբեջանը սկսել են TRIPP-ի տեխնիկական պլանավորման աշխատանքները
06.11.2026 | 23:10
Եվրոպայում նոյեմբերի 6-ին ավելի քան 15 չվերթի մասով պայթյունի սպառնալիք է ստացվել
Մենք հետևում ենք Ադրբեջանում լրագրողների և քաղաքացիական ակտիվիստների նոր ձերբակալություններին։ Այս մասին «Ամերիկայի ձայնի» ադրբեջանական ծառայությանը հայտնել է ԵՄ արտաքին քաղաքականության և անվտանգության հարցերով խոսնակ Պետեր Ստանոն։
«ԵՄ-ն կոչ է անում Ադրբեջանի իշխանություններին ապահովել խոսքի ազատությունը, ներառյալ՝ ազատ և անխոչընդոտ տարածքը անկախ լրագրության համար՝ իր միջազգային պարտավորություններին համապատասխան», – ասել է նա։
Պաշտոնական Բաքուն դեռ չի արձագանքել նրա հայտարարությանը։
Ադրբեջանի իշխանությունները բռնաճնշումները ինտենսիացնում են անկախ լրագրողների ու ակտիվիստների նկատմամբ։ Մասնավորապես, անկախ Toplum TV-ի խմբագրությունում ոստիկանությունը խուզարկություն էր իրականացրել ու ձերբակալել տասնյակ աշխատակիցների։ Խուզարկություններ են կատարվել նաև «3-րդ Հանրապետություն» շարժման գրասենյակում, ձերբակալվել են նախաձեռնության հիմնադիրները։
Ադրբեջանական լրատվամիջոցների փոխանցմամբ՝ այսօր էլ ձերբակալվել են հայտնի մեդիափորձագետ, Toplum Tv-ի հիմնադիր Ալեսքեր Մամեդլիին և «3-րդ Հանրապետություն» հարթակի անդամ Ռուսլան Իզեթլին։
Նախօրեին ԱՄՆ Պետքարտուղությունը, ինչպես նաև Բաքվում Մեծ Բրիտանիայի դեսպանատունը իրենց մտահոգությունն էին հայտնել լրագրողների ու ակտիվիստների ձերբակալությունների առնչությամբ։
2023 թվականի նոյեմբերից Ադրբեջանում տասնյակից ավելի անկախ և ընդդիմադիր լրագրողներ, ակտիվիստներ ու հասարակական-քաղաքական գործիչներ են ձերբակալվել, որոնց միջազգային կառույցները համարում են քաղբանտարկյալ և նրանց ազատ արձակելու կոչ են անում։
Էմմա Չոբանյան
