Ազգային խորհրդանիշները «ստիպողաբար» փոխելու, «Նոյի թվի» ազգ լինելու և Արարատ լեռան նշանակության շուրջ․ ապաքաղաքական զրույց Լևոն Աբրահամյանի  հետ. ՏԵՍԱՆՅՈՒԹ

Factor TV-ի A-politic հաղորդաշարի հյուրն է ազգագրագետ, մշակութային մարդաբան Լևոն Աբրահամյանը: Նա հիշեցնում է, որ Ալեքսանդր Թամանյանն Օպերայի (սկզբնական անվանմամբ՝ Ժողովրդական տան) շենքը նախագծում էր՝ իր առաջ ունենալով «Զվարթնոց» տաճարի և Կոլիզեումի օրինակները: Այն պետք է բաց տարածքում լիներ՝ տոնախմբությունների, շքերթների համար: Եվ հետաքրքիր ձևով ճարտարապետի մտահղացումն իրականացվել է տասնամյակներ հետո՝ 1988 թվականին:

Հանրապետության և Ազատության հրապարակները որոշ ժամանակ մրցակցության մեջ էին՝ որպես «պաշտոնական» և «ժողովրդական» միջոցառումների կենտրոններ:

Ըստ գիտնականի՝ Արարատ լեռան խորհրդանիշը մեզանում հաճախ սխալ է մեկնաբանվում. որպես զինանշանի մաս՝ այն ընտրվել է ոչ թե իր բարձրության համար, այլ որպես բիբլիական, սրբազան լեռ:

Առաջին հանրապետության զինանշանի գաղափարի հեղինակը նույն Ալեքսանդր Թամանյանն էր: Մասնավորապես, Նոյյան տապանի պատկերը պետք է խորհրդանշեր, որ մենք հին՝ «Նոյի թվի» ազգ ենք: Հաղորդման հյուրի կարծիքով՝ 1991 թվականին վերադարձը Առաջին հանրապետության խորհրդանիշներին, թերևս, իր մեջ պարունակում էր արատավոր շրջանի մեջ ընկնելու վտանգ:

Ազգային խորհրդանիշները հնարավոր չէ փոխել «վերևից» հրահանգով, դա կարող է միայն բնական գործընթաց լինել՝ նշում է ազգագրագետը: Չնայած վերջին տարիներին Երևանում կառուցված շենքերը շատ տեղերում մեզ խանգարում են, մենք չենք կարող չտեսնել Մասիս սարը:

Մանրամասները՝ տեսանյութում:

Արամ Աբրահամյան