13.01.2026 | 13:35
Ռուսական Տագանրոգում հարձակման է ենթարկվել ԱԹՍ-ների համար բաղադրիչներ արտադրող գործարանը
Վատիկանում մեկնարկել է կոնկլավը. կարդինալները նոր Հռոմի պապ են ընտրելու. ՏԵՍԱՆՅՈՒԹ
Քաղաքականություն
07.05.2025 | 20:48
Վատիկանում մեկնարկել է կոնկլավը, որի ընթացքում 133 կարդինալները նոր Հռոմի պապ են ընտրելու։ BBC-ի ռուսական ծառայության փոխանցմամբ՝ կոնկլավին մասնակցող 133 կարդինալները շարժվել են դեպի Սիքստինյան կապելլա, որտեղ երդում են տվել՝ գաղտնի պահել այն, ինչ տեղի է ունենալու նոր պապի ընտրության գործընթացում։
Դրանից հետո կողմնակի անձինք լքել են կապելլան, դռները փակվել են. այն պահը, երբ արտասանվել է՝ «extra omnes» («բոլորը դուրս») արտահայտությունը, նշանավորել է կոնկլավի սկիզբը։ Կարդինալներին այժմ արգելվում է որևէ շփում ունենալ արտաքին աշխարհի հետ։
Առաջիկայում կկայանա քվեարկության առաջին փուլը, որից հետո Սիքստինյան կապելլայի ծխնելույզից ծուխ դուրս կգա (վառարանում քվեաթերթիկների այրումից): Սպիտակ ծուխը կնշանակի, որ Հռոմի պապն ընտրվել է, սևը կնշանակի, որ ընտրությունները շարունակվում են։
Ավելի վաղ Վատիկանը հայտարարել էր, որ Սիքստինյան կապելլայի ծխնելույզից ծուխ կարելի է ակնկալել մոտավորապես տեղի ժամանակով ժամը 19:00-ին:
Նախորդ երկու կոնկլավները՝ 2005 և 2013 թվականներին, տևել էին երկու օր։
Թարգմանությունը՝ Էմմա Չոբանյանի
