15.01.2026 | 12:47
Անի Ամիրաղյանը դուրս է եկել 1/8 եզրափակիչ
ԵՄ-ում օդի աղտոտվածությունն ավելի քան 300 հազար մարդու կյանք է խլել
Քաղաքականություն
24.11.2023 | 23:17
Օդի աղտոտվածությունը 2021 թվականին Եվրամիությունում ավելի քան 300 հազար մահվան պատճառ է դարձել։ Այս մասին հայտնում է Շրջակա միջավայրի եվրոպական գործակալությունը (EEA):
«Շրջակա միջավայրի եվրոպական գործակալության վերջին գնահատականների համաձայն՝ 2021 թվականին ԵՄ-ում առնվազն 253,000 մահվան դեպք կապված է եղել մանր մասնիկների աղտոտման հետ, որը գերազանցում է ԱՀԿ-ի սահմանած մակարդակը: Ազոտի երկօքսիդից օդի աղտոտվածությունը հանգեցրել է 52,000 մահվան, իսկ օզոնի կարճատև ազդեցությունը 22,000 մահվան պատճառ է դարձել»,- ասվում է կազմակերպության մամուլի հաղորդագրության մեջ։
Միաժամանակ, նՆշվում է, որ 2005 թվականից ի վեր Եվրոպայում օդի աղտոտվածության հետևանքով մահացությունների թիվը նվազել է 41%-ով։
Բացի այդ, ուսումնասիրությունը նաև տվյալներ է տրամադրում ԵՄ անդամ չհանդիսացող եվրոպական մի շարք երկրների համար: Հրապարակված տվյալների համաձայն՝ օդի մանր մասնիկներով աղտոտվածությունից մահացության ամենաբարձր ցուցանիշները գրանցվել են Հյուսիսային Մակեդոնիայում, Բոսնիա և Հերցեգովինայում ու Սերբիայում։ Ամենացածր ցուցանիշը Ֆինլանդիայում է։
