10.01.2025 | 21:45
Փաշինյանի գլամուրային բլոգը` Ալիևի սպառնալիքների ֆոնին. ինչի է ձգտում ՀՀ վարչապետը. ՏԵՍԱՆՅՈՒԹ
Ուկրաինայի ԱԳՆ-ն պարզաբանել է՝ ինչու է հետաձգվել Թրամփի հատուկ բանագնացի այցը Կիև
Քաղաքականություն
10.01.2025 | 18:22
ԱՄՆ նորընտիր նախագահ Դոնալդ Թրամփի հատուկ բանագնաց Քիթ Քելլոգի այցը Ուկրաինա հետաձգվել է՝ տեղափոխվելով Թրամփի երդմնակալության արարողությունից հետո՝ իրավական, ոչ թե քաղաքական պատճառներով։ Այս մասին հայտարարել է Ուկրաինայի ԱԳՆ-ն, փոխանցում է BBC-ի ռուսական ծառայությունը։
Նախարարության մամուլի քարտուղար Գեորգի Տիխիի խոսքով՝ ամերիկյան օրենսդրությունը պահանջում է, որ բոլոր նման շփումները տեղի ունենան նորընտիր նախագահի պաշտոնը ստանձնելուց հետո։
«Մեր տեղեկություններով՝ սա է միակ պատճառը»,- ասել է նա՝ հավելելով, որ ուկրաինական կողմը պատրաստվում է այցին և շատ կարևորում է այն։
Ավելի վաղ Reuters-ը, հղում անելով աղբյուրներին, հայտնել էր, որ Քելլոգի այցը, որը նշանակվել է Ռուսաստանի և Ուկրաինայի հարցով հատուկ բանագնաց, հետաձգվել է Կիև և եվրոպական այլ մայրաքաղաքներ՝ մինչև հունվարի 20-ին Թրամփի երդմնակալության արարողությունը:
Թարգմանությունը՝ Տաթև Ֆռանգյանի
