06.12.2025 | 19:41
ԿԳՄՍ նախարարությունը մեկնարկել է վորկաութի և առողջ ապրելակերպի խթանման ծրագիր
Հերթական վանդալիզմը Շուշիում․ ադրբեջանցիները հայկական գերեզմանատան միջով ճանապարհ են փորել․ Caucasus Heritage Watch
Քաղաքականություն
23.11.2023 | 13:18
Caucasus Heritage Watch մշակութային ժառանգության մոնիթորինգային գործակալությունը «X»-ի իր միկրոբլոգում հայտնում է, որ հոկտեմբերի 5-ից նոյեմբերի 3-ն ընկած ժամանակահատվածում Ադրբեջանը Շուշիում գտնվող պատմական գերեզմանատան միջով բուլդոզերներով ճանապարհ են փորել։
Գործակալությունը նշում է, որ այս գերեզմանատունը հայտնի է որպես Երևանյան դարպասների գերեզմանոց: Ծառերի մեջ տեղավորված են առնվազն 78 հայերեն գրությամբ տապանաքարեր, որոնք թվագրվում են 1802-ից 1913 թվականներով:
«Խիտ անտառը թաքցնում է գերեզմանատունը: Մենք օգտագործել ենք Շուշիի քարտեզներն ու հրապարակումները՝ սահմանները հետագծելու համար։ Պարզ չէ, թե քանի տապանաքար է վնասվել, բայց ուսումնասիրությունները ցույց են տալիս, որ դրանք ծածկել են ամբողջ տարածքը: Կանանց և տղամարդկանց, երիտասարդների և ծերերի տապանաքարերը պատմում են ազգակցական կապի, զբաղմունքի, հավատքի, կարգավիճակի և այլնի մասին»,- ասված է գրառման մեջ:
Caucasus Heritage Watch-ը նաև նշում է, որ սա 5-րդ հայկական գերեզմանոցն է, որը տուժել է 2020 թվականի նոյեմբերից՝ Մեծ Թաղերի և Սղնախի ավերումից ու Շուշիի և Վազգենաշենի մերձակայքում գտնվող գերեզմանատների վնասումից հետո։
«Շուշիի հայ բնակիչների նախնիներին հեռացնելու դանդաղ նախագիծ է զարգանում»,- ասվում է հրապարակման մեջ:
