30.05.2026 | 17:38
ՆԱՏՕ-ի ԽՎ գարնանային նստաշրջանը մեկնարկել է Վիլնյուսում․ մասնակցում է նաև ՀՀ պատվիրակությունը
Alibaba-ն ծրագրում է Թուրքիայում 2 մլրդ դոլարի ներդրում անել
Քաղաքականություն
18.09.2023 | 21:37
Առցանց առևտրի չինական Alibaba հսկան Թուրքիայի նախագահ Ռեջեփ Թայիփ Էրդողանին հայտնել է, որ ծրագրում է 2 միլիարդ դոլար ներդնել երկրում, գրում է Reuters-ը։
Նշվում է, որ ընկերության նախագահ Մայքլ Էվանսը նման հայտարարություն է արել Էրդողանի հետ հանդիպման ժամանակ։ Ընկերության թուրքական ստորաբաժանման հայտարարության մեջ, սակայն, չի հստակեցվում, թե երբ են կատարվելու ներդրումները։
Էվանսը նաև ասել է, որ Alibaba-ն 1,4 միլիարդ դոլարի ներդրում է կատարել Թուրքիայում իր Trendyol ստորաբաժանման միջոցով, որը երկրի էլեկտրոնային առևտրի ամենահայտնի հարթակներից է։
Trendyol-ը, որի նախագահ Չաղլայան Չեթինը նույնպես հանդիպել է Էրդողանին, ասել է, որ Էվանսը պատմել է նոր ներդրումների մասին, ինչպիսիք են Անկարայում տվյալների և լոգիստիկ կենտրոնները, Ստամբուլի օդանավակայանում արտահանման օպերացիոն կենտրոնը:
Հավելենք, որ Էրդողանը Միացյալ Նահանգներում է՝ մասնակցելու ՄԱԿ-ի Գլխավոր վեհաժողովի 78-րդ նստաշրջանին։
Էմմա Չոբանյան
