23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Վանի հայկական Վարագավանքը ոչնչացման եզրին է․ ԼՈՒՍԱՆԿԱՐՆԵՐ
Մշակույթ
29.08.2023 | 22:43
Ներկայիս Թուրքիայի տարածքում գտնվող Վան նահանգի Իփեքյոլուի շրջանի Բաքրաչլը գյուղի հայկական Վարագավանք վանական համալիրը ոչնչացման եզրին է: Վարագավանքի եկեղեցիների մեծ մասն արդեն իսկ գոյություն չունեն: Այն, ինչ մնացել է, միայն պատեր ու քարեր են, գրում է ermenihaber-ը:
Համալիրից կիսով չափ պահպանվել է միայն մեկ եկեղեցի, որը նույնպես փլուզման եզրին է:
Թուրքական աղբյուրների փոխանցմամբ՝ ներկայում եկեղեցին գտնվում է գյուղում ապրող 63 տարեկան քուրդ մի հովվի հոգածության ներքո:
Նշվում է, որ վանական համալիրը ոչ մի իշխանության օրոք երբևիցե չի վերանորոգվել և պետության կողմից մատնված է թողտվության:
Միայն Վանում 100-ից ավելի եկեղեցի կա, որոնցից սակայն վերանորոգվել է Վանա լճի 4 կղզիներից Ախթամար կղզու Սուրբ Խաչ եկեղեցին և Էդրեմիտում (Արտամետ) գտնվող Սուրբ Աստվածածին եկեղեցին:
Նշենք, որ Վարագավանքը կառուցել է 7-րդ դարում պատմական Վասպուրականի նահանգում՝ Վան քաղաքի հարավարևելյան հատվածում՝ Վարագա լեռան արևմտյան լանջին։ Նախկինում եղել է Վանի արքեպիսկոպոսի նստավայրը։
