«Երկիրը չեն սիրում». Պիպոյանը` կաթը մազութից չտարբերող չինովնիկների ու «ասֆալտի գյուղատնտեսների» մասին․ ՏԵՍԱՆՅՈՒԹ

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

«Հայաստանի համար գյուղատնտեսության զարգացումը պետք է լիներ առաջնահերթություն, մինչդեռ ոլորտի նկատմամբ չկա պետական հոգածություն, Գյուղատնտեսության նախարարությունը փակվում է, ոլորտում նշանակվում են պետական պաշտոնյաներ, որոնք «ասֆալտի գյուղատնտեսներ են», ունենք պաշտոնյաներ, որոնք «կաթը մազութից չեն տարբերում», անգրագիտության վերին էշելոնում են»,- Factor TV-ի եթերում տեսակետ է հայտնում սննդագիտության դոկտոր (Իտալիա) Դավիթ Պիպոյանը:

Հայաստանը, ունենալով գյուղատնտեսական ահռելի պոտենցիալ, այսօր կանգնած է փաստի առաջ. գյուղատնտեսությունը գրավիչ չէ մեր երիտասարդության համար: Հայաստանի ազգային ագրարային համալսարանում 18 մասնագիտություններից 11-ի գծով որևէ դիմորդ չկա: Դավիթ Պիպոյանի խոսքով` ընդամենը մեկ բարեփոխմամբ հնարավոր է բուհում ուսանողների «տեղատարափ» անել. «Կա օրենքի պահանջ.սննդարդյունաբերողները պետք է ունենան վտանգի վերլուծության և հսկման կրիտիկական կետերի համակարգ: Հայաստանում այդ համակարգը չի ներդրվում, պետությունն արջի ծառայություն է մատուցում տնտեսվարողներին, և հետևողական չէ, որպեսզի այդ համակարգերը ներդրվեն: Մինչդեռ եթե ամեն ռեստորան ունենար իր անվտանգության պատասխանատուն, կոնկրետ «Սննդի անվտանգություն» մասնագիտությունը կդառնար թոփային»:

Դավիթ Պիպոյանը շեշտում է` ագրոնոմիական մասնագիտությունները վաղը որոշելու են Հայաստանի պարենային անվտանգության ապագան. «Եթե չունես բույսի պաշտպան, չես ունենալու բուսական ծագման սնունդ, եթե չունես անասնաբույժ, չես ունենալու կենդանական ծագման բարորակ մթերք: Լինելով պատերազմական երկիր` պետք է հասկանանք, որ սա արդեն ազգային անվտանգության խնդիր է»:

Գիտնականը խոսում է նաև այն մասին, որ 2018 թվականի համեմատ այս տարի արդեն 150 տոկոսով ավելի ֆինանսավորում է հատկացվում գիտության բյուջեին. «Գիտության ֆինանսավորման աճը, ամեն դեպքում, չդադարեցրեց գիտնականների արտահոսքն ու չնպաստեց նրանց ներհոսքին»:

Սննդագետը խոսում է նաև մանկապարտեզներում, դպրոցներում, զարգացման կենտրոններում սննդի անվտանգության գծով վերահսկողության բացակայության մասին. «Մեր մանկապարտեզներում, դպրոցներում չկա պատշաճ վերահսկողություն, չկա ստուգաթերթ, զարգացման կենտրոններում ավելի հեշտ են խուսափում մենյուներին հետևելուց: Ամեն տարի պատկան մարմինների մոտ բարձրաձայնում եմ այս խնդիրների մասին, որևէ բան չի փոխվում»
Մանրամասները` տեսանյութում:

Աննա Բաբաջանյան