ՆԱԽԸՆՏՐԱԿԱՆ ԹԵԺ ԲԱՆԱՎԵՃ․ Քաղաքական ուժերի առաջարկը՝ հիասթափված երիտասարդներին․ ի՞նչ են խոստանում

Նախընտրական քարոզչության ամենաթեժ փուլն է՝ օրեր անց Հայաստանը կունենա նոր խորհրդարան։ Քաղաքական ուժերը սուր պայքարով փորձում են ստանալ բոլոր տարիքային ընտրողների քվեները։ Նրանց բարդ աշխատանք է սպասվում հատկապես՝ հասարակության երիտասարդ հատվածի հետ։ Ըստ ՄՀԻ-ի վերջին հարցման՝ 18-35 տարեկանների գրեթե կեսը՝ 49%-ը, ընդհանրապես կամ մասամբ անտարբեր է քաղաքականության նկատմամբ։ Նրանք չեն հավատում, որ իրենց ձայնը որևէ բան է փոխելու. 18-ից 25 տարեկանների ընդամենը 22%-ն է հավատում, որ ընտրությունները լինելու են ազատ և արդար: Եվ ամենախոսուն ցուցանիշը՝ հարցին, թե որ քաղաքական գործչին եք ամենաշատը վստահում, երիտասարդների ավելի քան կեսը՝ 53%-ը, պատասխանել է՝ «ՈՉ ՄԵԿԻՆ»։ 

Ի՞նչ խոստումներով, ծրագրերով և գաղափարներով են պատրաստվում քաղաքական ուժերը կոտրել խորը ապատիան, անվստահությունը, հիասթափությունը քաղաքականությունից։ Պարադոքսն այն է, որ երիտասարդներն իրենց օտարված են զգում մի գործընթացից, որն ուղղակիորեն որոշում է իրենց այս և վաղվա օրը։

Factor TV-ի տաղավարում այսօր բանավիճելու են Մելանյա Հարությունյանը՝ ՔՊ  կուսակցության պատգամավորի թեկնածու, Նորայր Գազազյանը՝ Շնորհապետական  կուսակցության պատգամավորի թեկնածու, Սամվել Հակոբյանը՝  Հայաստան դաշինքի կուսակցության պատգամավորի թեկնածու, Սիրվարդ Բաղդասարյանը՝ Քոչարի կուսակցության պատգամավորի թեկնածու, Աննա Հայրիյանը՝ ԴՕԿ  կուսակցության պատգամավորի թեկնածու։

Factor TV-ն այս բանավեճն իրականարել է ՀՔԱՎ գրասենյակի հետ համատեղ՝ VotesUp Armenia ծրագրի շրջանակներում, որն իրականացվում է Նիդերլանդների թագավորության ֆինանսավորմամբ:

Հաղորդումն ամբողջությամբ՝ տեսանյութում։

Ռոբերտ Անանյան