16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մեր արտադրանքի 85-90 %-ը ՌԴ էր արտահանվում, քաղաքական դրդապատճառներով խնդիրներ են առաջացել․ ձկնաբույծ․ ՏԵՍԱՆՅՈւԹ
Տնտեսություն
04.06.2026 | 17:55
«Արդեն 20 տարի է՝ զբաղվում ենք ձկնամթերքի արտադրությամբ, վերամշակմամբ։ Մենք Ռուսաստանի հետ միշտ լավ հարաբերություններ ենք ունեցել, մեր արտադրանքի մոտավորապես 85%-ից 90%-ը արտահանվել է Ռուսաստանի Դաշնություն, ու շատ գոհ ենք եղել, նորմալ է եղել։ Հիմա քաղաքական դրդապատճառներ կան, որ ինչ-որ տեղ արդեն այս քանի օրվա վրա արտահանման հետ կապված խնդիրներ են առաջացել»,- այս մասին ԵՄ ներկայացուցիչների հետ հադնիպումից հետո նշեց Արարատում ձկնաբուծությամբ զբաղվող Խաչատուր Կարապետյանը։
«Դե, մենք չգիտենք՝ ընթացքում ինչ կլինի, բայց մեզ շատ հաճելի կլինի, որ երկրորդ, երրորդ երկրի հետ աշխատենք, մանավանդ՝ Եվրոպական միության երկրների հետ, քանի որ մեր արտադրանքը շատ որակով է։ Գումարած՝ մենք մի ամիս առաջ մեր լավ կազմակերպիչների հետ եղել ենք Եվրոպայի ամենամեծ ցուցահանդեսում և համոզվեցինք, որ մեր արտադրանքը իրոք մրցունակ է եվրոպական արտադրանքի հետ»,-ասաց նա։
Նշենք՝ ավելի վաղ Եվրահանձնաժողովի նախագահ Ուրսուլա ֆոն դեր Լեյենը հայտնել էր, որ ԵՄ-ն 50 մլն եվրո անհապաղ օգնություն կտրամադրի ՀՀ-ին, վաղը 10,000 ծաղիկների խմբաքանակը կլինի Լատվիայում։ Կլինի նաև ավելին։ Հայկական որոշ ապրանքների, մասնավորապես, գյուղմթերքի առևտուրը թեթևացնելու միջոցառումներ կձեռնարկվեն»։
Ըստ ֆոն դեր Լեյենի՝ տուժած ոլորտներին, ինչպիսիք են հայկական ծաղկի ոլորտը, գործնական աջակցություն է տրվում, հաշվի առնելով, որ Ռուսաստանը վերջերս սահմանափակել է Հայաստանից ծաղիկների ներմուծումը կասկածելի մեղադրանքների պատճառով։ Նախատեսվում է, որ վաղը Լատվիա է ժամանելու 10,000 ծաղիկ, որին կհետևեն այլ խմբաքանակներ։
Մանրամասները՝ տեսանյութում։
Եվգենյա Համբարձումյան
