24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Զախարովան՝ ՀՀ-ի նկատմամբ Մոսկվայից սպառնալիքների մասին
Քաղաքականություն
04.06.2026 | 16:39
Մոսկվայի տեսակետից՝ Հայաստանի հետ կա երկկողմ հարաբերությունների զարգացում, կան խնդիրներ, որոնք լինում են երկկողմ հարաբերություններում, և որոնք հնարավորություն ունեն լուծվել դիվանագիտական շփումների, վստահելի երկխոսության միջոցով, որը միշտ Հայաստանի հետ եղել է։ Այս մասին ամենշաբաթյա ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Որոշ դիտորդներ ապրանքների հետ կապված ՌԴ-ի կողմից սահմանված միջոցները պատիժ են անվանում՝ Հայաստանի եվրոպական ձգտումների համար։ Իսկ երբ չի եղել Հայաստանից ապրանքների սահմանափակում, ինչպես էին անվանում Մոսկվայի քաղաքականությունը։ Տվյալ դեպքում, երբ խոսում են պատժի մասին, մյուսն ինչ է եղել՝ խրախուսա՞նք։ Նորմալ էր ամեն ինչ, դրան ուշադրություն չէին դարձնում»,- հայտարարել է Զախարովան։
Ռուսաստանցի պաշտոնյան «խեղաթյուրված տրամաբանություն» է որակել պնդումները, թե Մոսկվան իրեն ոչ կոռեկտ է պահում Հայաստանի հետ, այլասերված տրամաբանություն է։
«ՌԴ-ից Հայաստանի նկատմամբ ի՞նչ սպառնալիքի մասին կարելի է խոսել, եթե մենք երկար տարիներ աջակցել ենք Հայաստանին, հանդիսացել նրա անվտանգության երաշխավորը»,- ասել է նա։
Ինչ վերաբերում է կոնկրետ սահմանափակումներին, Զախարովայի խոսքով՝ դրանք սահմանվել են համապաստախան մեկնաբանություններով։
Թարգմանությունը՝ Էմմա Չոբանյանի
