13.01.2025 | 13:11
ՆԱՏՕ-ի ինը երկրներ զորավարժություններ կանցկացնեն Բալկաններում
Սրճարանում տեղի ունեցած Կարեն Անդրեասյան-Գրիգոր Մինասյան հանդիպումը քննարկեցին ԲԴԽ նիստում․ ՏԵՍԱՆՅՈՒԹ
Հասարակություն
28.06.2023 | 14:32
Բարձրագույն դատական խորհրդում այսօր շարունակվում է Արդարադատության նախարարի միջնորդության քննությունը՝ Վերաքննիչ քաղաքացիական դատարանի դատավոր Աստղիկ Խառատյանին, Վճռաբեկ դատարանի քաղաքացիական պալատի դատավորներ Արտակ Բարսեղյանին և Տիգրան Պետրոսյանին 14 տարի առաջ կայացված դատական ակտի համար կարգապահական պատասխանատվության ենթարկելու հարցով։
Նիստի ընթացքում Կարեն Անդրեասյանին ինքնաբացարկի միջնորդություն ներկայացվեց։ Ի թիվս այլ հիմքերի՝ քննարկման առարկա դարձավ նաև մամուլում հրապարակված տեսանյութը, որում Կարեն Անդրեսայանն ու Գրիգոր Մինասյանը միասին սրճարանում են, ապա առանձին դուրս են գալիս։
Դատավոր Աստղիկ Խառատյանի ներկայացուցիչ Սիրանուշ Սահակյանն առաջարկեց հայտնել՝ Կարեն Անդրեասյանն ընդունո՞ւմ է, որ տեսանյութում ինքն է։
Նշենք, որ հայտնի չէ՝ տեսանյութը տարածողն ով է։ Այն տարածվել է ֆեյսբուքյան «Մոնտե Քրիստո» անունը կրող էջով, սակայն հայտնի չէ՝ այն ով է վարում։
Անդրեասյանը հարց ուղղեց Սիրանուշ Սահակյանին՝ արդյո՞ք անանուն աղբյուրի լրատվական արժեքը Սահակյանի համար կարևոր է, ինչին ի պատասխան Սիրանուշ Սահակյանն ասաց, որ անկախ նրանից՝ տարածող ֆեյք օգտատեր է, թե ոչ, տեսանյութում ԲԴԽ նախագահն ու Արդարադատության նախարարն են։
Հետո Անդրեասյանը նշեց, որ սրճարանը, որտեղ, ենթադրաբար գտնվել են ինքն ու Գրիգոր Մինասյանը, մոտ է Բարձրագույն դատական խորհրդի շենքին՝ ըստ էության, նկատի ունենալով, որ ինքն ու խորհրդի ցանկացած այլ անդամ կարող էր այդ սրճարանում գտնվել։ Ապա մեջբերելով ԲԴԽ-ի լիազորությունները՝ Անդրեասյանը նշեց, որ այդ լիազորությունների մեջ նշվում է նաև ԲԴԽ-պետական մարմիններ համագործակցությունը։
Սիրանուշ Սահակյանը հակադարձեց, որ եթե խոսքը պաշտոնական հանդիպումների մասին է, ապա դրանք պաշտոնական միջավայրում են իրականացվում։
Մանրամասները՝ տեսանյութում։
Արաքս Մամուլյան
