26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Փոխարժեքով պայմանավորված՝ հանքարդյունաբերողները խնդիրներ ունեն․ 13 հանքից 7-ն է աշխատում․ ՏԵՍԱՆՅՈՒԹ
Տնտեսություն
27.06.2023 | 14:25
ԸՆթանում է «Հանքարդյունաբերության զարգացման ռազմավարությունը՝ պատասխանատու հանքարդյունաբերության տեսանկյունից» կլոր սեղան-քննարկումը։
Արդյո՞ք իրավիճակը համակողմանիորեն վերլուծվել է և ոլորտում առկա խնդիրների լուծման կարևորությունը լիարժեք ընկալված է՝ Ամուլսարի հանքի շահագործման ռազմավարության մշակումից առաջ։ «Լիդիան Արմենիա» ընկերության գործադիր տնօրեն Հայկ Ալոյանը, անդրադառնալով այս հարցին, նշեց, որ բազմաթիվ քննարկումներ են եղել, փաստաթղթի նախնական տարբերակից մինչև վերջնական տարբերակը շատ բան է շտկվել։
Ինչ վերաբերում է դիտարկմանը․ որ 13 հանքավայրից 7-ն են աշխատում, Ալոյանը նշեց․ «Փոխարժեքով պայմանավորված՝ իրավիճակը բարդացել է, հանքարդյունաբերողները խնդիրների առաջ են կանգնել։ Այս իրողությունը մենք չենք կարող փոփոխել»։
Ալոյանը հավելեց, որ ոլորտի հետ կապված օրենսդրական փոփոխությունների անհրաժեշտություն կա։ «Չենք կարող օրենքները միանգամից փոխել, պետք է ժամանակացույցով փոխել։ Ներդրողները միշտ ձգտում են ունենալ կայուն օրենսդրական դաշտ, լավ կլինի ունենալ կայուն օրենսդրական դաշտ»,- ընդգծեց «Լիդիան Արմենիա» ընկերության գործադիր տնօրենը։
Հիշեցնենք՝ մայիսի 11–ին կառավարության որոշմամբ հաստատվել է հանքարդյունաբերության ոլորտի զարգացման ռազմավարությունը և դրանից բխող գործողությունների պլանը մինչև 2035 թ–ն:
Ռազմավարությամբ սահմանվել է 3 նպատակ՝ երկրաբանության միասնական թվային տեղեկատվական շտեմարանի ստեղծում ու վարում, ընդերքի օգտագործման և պահպանության ոլորտում արդյունավետ որոշումների կայացում, հանքարդյունաբերության ոլորտում միջազգային ստանդարտների, մոտեցումների կիրառում:
Մանրամասները՝ տեսանյութում։
