14.08.2026 | 14:35
«Ղազարյանը Սրբխեչի ուլ չի, որ մորթենք»,«ԱԺ նիստերի դահլիճը զոհասեղա՞ն է»․ վեճ ԱԺ-ում. ՏԵՍԱՆՅՈՒԹ
Ընկալումն այն էր, որ արտաքին քաղաքական վեկտորի փոփոխությունը ծանր հետևանք կունենա ԼՂ-ի համատեքստում․ ՏԵՍԱՆՅՈՒԹ
Քաղաքականություն
27.06.2023 | 11:33
«Ես մինչև 2020 թվականի օգոստոսը ստացել եմ հավաստիացում, որ, իհարկե, շատ դժվար է լինելու, բայց ԶՈՒ-ն, ՊԲ-ն իրենց առջև դրված խնդիրը կատարելու են: Բայց սա արձանագրում չէ, որն ուղղակի ի գիտություն է ընդունվել: 2018-ից հետո ես որդեգրել եմ հետևյալ քաղաքականությունը՝ «ամեն ինչ՝ բանակի համար»»,- ՀՀ ԱԺ քննիչ հանձնաժողովի նիստում հայտարարեց ՀՀ վարչապետ Նիկոլ Փաշինյանը։
Վարչապետը հիշեցրեց, որ արդեն 2019-ին էականորեն բարձրացել են պայմանագրային զինծառայողների աշխատավարձերը, իրականացվել են սպառազինության և ռազմական տեխնիկայի գնումներ:
«Բացառված է, որ որևէ մեկը հիշի դեպք, որ բանակը Կառավարության առաջ դրել է ինչ-որ խնդիր, և այդ խնդիրը չի լուծվել այն պատճառով, որ ֆինանսավորում չի տալիս Կառավարությունը»,- ասաց վարչապետը և հավելեց, որ շատ խնդիրների լուծում միայն փողի հետ չէ, որ կապված էր:
Ի պատասխան «Ինքնիշխան Հայաստան» կուսակցության նախագահ Դավիթ Սանասարյանի հարցի՝ 2018-19-ի իրողություններին ծանոթանալուց հետո արտաքին քաղաքականութան վեկտորի փոփոխություն քննարկվե՞լ է, Փաշինյանը պատասխանեց. «Արտաքին քաղաքական վեկտորի փոփոխություն, ո՛չ, չի քննարկվել, ընդհակառակը, մեր ընկալումը եղել է այն, որ արտաքին քաղաքական վեկտորի փոփոխությունը կարող է շատ ծանր հետևանքներ ունենալ առաջին հերթին հենց ԼՂ-ի հակամարտության համատեքստում»:
Մանրամասները՝ տեսանյութում։
