02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Ռազմական հեղաշրջո՛ւմն է մնացել Պուտինի ռեժիմը փոխելու միակ տարբերակը․ Ալիևին ևս սպառնում է դա․ Արթուր Սաքունց․ ՏԵՍԱՆՅՈՒԹ
Քաղաքականություն
26.06.2023 | 20:02
44-օրյա պատերազմից հետո ՀՀ-ում քարոզվում էր, որ ժողովրդավարությունն է մեր պարտության պատճառը, և անհրաժեշտ է բռնապետություն ընտրել։ Եվ այս գաղափարի քարոզիչ քաղաքական խմբերը բերում էին ՌԴ նախագահ Պուտինի ռեժիմի օրինակը՝ որպես «հաջողված դիկտատուրայի» օրինակ։
Factor TV-ին տված հարցազրույցում Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը նշում է, որ Պուտինի դեմ բարձրացված Պրիգոժինի ապստամբության օրինակն ապացուցում է հակառակը, որ բռնապետությունն է լի քաղաքական ցնցումների վտանգներով, հետևաբար՝ Հայաստանի զարգացման միակ ուղին ժողովրդավարության կայացումն ու ամրապնդումն է։ Մինչդեռ՝ Պուտինի կառավարման օրոք Ռուսաստանը գնացել է տրամագծորեն հակառակ ճանապարհով։
«Պուտինը ոչնչացրել է ընդդիմադիրներին, ինչը նշանակում է, որ կա՛մ սպանված են, կա՛մ բանտարկված են այն քաղաքական գործիչները, որոնք խնդիրները քաղաքական ճանապարհով լուծելու կողմնակիցներ են։ Եվ այդ պատճառով՝ ռազմական հեղաշրջումը միակ ճանապարհն է մնացել ՌԴ-ում իշխանություն փոխելու համար։ Նույն վիճակն է Ադրբեջանում, և նրա բռնապետ Ալիևին նույնն է սպառնում։ Պրիգոժինի ապստամբությունը Պուտինի դեմ բացահայտեց ՀՀ-ում Կրեմլի այսօրվա ռեժիմի պալատական անդամներին՝ ՌԴ-ի բռնապետական ռեժիմի աջակիցներին։ Այդ մարդիկ լուրջ վտանգ են ՀՀ-ի ինքնիշխանությանը և ժողովրդավարությանը՝ ի հեճուկս Փաշինյանի ասածի, թե ներքին վտանգներ չկան ժողովրդավարությանը։ Հենց այս օրերին այդ վտանգները դրսևորվեցին»,- ասաց Արթուր Սաքունցը։
Հարցազրույցն ամբողջությամբ՝ տեսանյութում։
Ռոբերտ Անանյան
