17.12.2025 | 12:12
Կրասնոդարի երկրամասում ուկրաինական ԱԹՍ-ների հարձակումից բնակելի տներ են վնասվել. ՏԵՍԱՆՅՈՒԹ
Ալիևի գործողություններից պարզ է դառնում՝ Հայոց երկրորդ ցեղասպանությունն ընթացքի մեջ է․ Դևիդ Ֆիլիպս․ ՏԵՍԱՆՅՈՒԹ
Քաղաքականություն
22.06.2023 | 13:21
Հունիսի 21-ին Թոմ Լանթոսի Մարդու իրավունքների հանձնաժողովի (TLHRC) լսումների ժամանակ ԱՄՆ Կոնգրեսի անդամներն օրենսդիրների ուշադրությունն են հրավիրել Արցախի քրիստոնյա հայ բնակչության դեմ Ադրբեջանի ցեղասպան գործողությունների վրա:
«Պաշտպանելով Լեռնային Ղարաբաղի ժողովրդին» խորագրով լսումներին մասնակցել են կրոնական ազատությունների հարցով ԱՄՆ նախկին դեսպան, Կանզասի նախկին նահանգապետ Սեմ Բրաունբեքը, Ամերիկյան ձեռնարկատիրության ինստիտուտի (American Enterprise Institute) ավագ վերլուծաբան Մայքլ Ռուբինը, հայ-թուրքական հաշտեցման հանձնաժողովի (TARC) նախկին համակարգող, պաշտոնաթող ամերիկացի դիվանագետ Դեյվիդ Ֆիլիպսը, Հայաստանում ԱՄՆ նախկին դեսպան Ջոն Էվանը և այլք։
Դեյվիդ Ֆիլիպսը հայտարարել է, որ Արցախի բնակչության հանդեպ երկրորդ ցեղասպանությունն է իրականացվում։
«Ալիևի գործողություններից և նրա ատելության խոսքից պարզ է դառնում, որ երկրորդ Հայոց ցեղասպանությունն է ընթանում։ Էրդողանի ռեժիմը նրա լիարժեք գործընկերն է։ Նա զինել է Ադրբեջանին գործիքներով՝ իր հայատյացությունն իրականացնելու համար»,- հայտարարել է Ֆիլիպսը։
Վերջինի կարծիքով՝ անհրաժեշտ է փաստագրել Արցախի դեմ Ադրբեջանի և Թուրքիայի վայրագությունները՝ նմանատիպ հետագա հանցագործությունները կանխելու համար։ Ֆիլիպսը հավելել է, որ ինքն էլ սկսել է նման փաստահավաք նախաձեռնություն։
Մանրամասները՝ տեսանյութում։
Տաթև Ֆռանգյան
