06.06.2026 | 14:39
«Հանրապետություն» կուսակցությունը դեռևս որոշում չունի՝ կդիմի վարչական դատարան, թե՝ ոչ. հայտնում են, որ եռօրյա ժամկետ ունեն
Անկանխիկ կաշառք վերցնելը կարելի է, բայց հետո վերցնողի հետևից կգան. Փաշինյան․ ՏԵՍԱՆՅՈՒԹ
Հասարակություն
22.06.2023 | 12:06
Վարչապետ Նիկոլ Փաշինյանը Կառավարության հերթական նիստի ժամանակ գործընկերներին երեք ամիս ժամանակ տվեց՝ բացառելու պետական հիմնարկներում կանխիկ եղանակով վճարումները։
«Ահազանգեր եմ ստանում, որ Հայաստանի Հանրապետության պետական հիմնարկներում դեռևս կանխիկ վճարումներ են իրականացվում։ Փոխվարչապետներին կխնդրեմ, նաև մեր բոլոր նախարարներին և գործընկերներին բացառել որևէ կանխիկ վճարումների ընդունումը։
Մի ժամանակ տերմինալով վճարումը անկանխիկ էինք համարում, բայց դա ևս կանխիկ վճարում է։ Կանխիկ վճարումն այն է, որ մարդն այդ ընթացքում թղթադրամի հետ առնչվում է, եթե առնչվում է՝ նշանակում է կանխիկ վճարում է իրականացնում։
Հետևաբար՝ ժամանակ եմ տալիս՝ երեք ամսվա ընթացքում այս խնդիրները լուծել։ Բոլոր վճարումները պետք է իրականացվեն անկանխիկ եղանակով։ Եթե որևէ պետական գերատեսչությունից լսեցի, որ այնտեղ քաղաքացին պետական գործառույթ իրականացնելիս առնչվում է թղթադրամին ֆիզիկապես, դա նշանակում է, որ իմ հանձնարարականը կատարված չի»,- շեշտեց վարչապետը։
Գործադիրի ղեկավարը հավելեց, որ այս կարգավորումը նաև կոռուպցիայի դեմ պայքարի շրջանակում է և ընդգծեց. «Անկանխիկով կաշառք վերցնել, կամ տարբեր անուններով վճարներ վերցնել, իհրակե, կարելի է, բայց հետո հաստատ, վերցնողի հետևից կգան, որովհետև մի օր այն կբացահայտվի»։
Մանրամասները՝ տեսանյութում։
