15.01.2026 | 22:37
ՀՀ տարածքում կան փակ ավտոճանապարհներ
Կառուցապատման «բումը» ռիսկեր է պարունակում․ շուկան կպայթի․ Աղազարյան․ ՏԵՍԱՆՅՈՒԹ
Տնտեսություն
15.06.2023 | 16:35
2022 թվականին կառուցապատման բում կար, և դա լավ էր, բայց դա նաև ռիսկեր է պարունակում։ Այսօր՝ հունիսի 15-ին, ԱԺ-ում ՀՀ 2022 թվականի պետական բյուջեի տարեկան հաշվետվության քննարկմանը հայտարարեց «Քաղաքացիական պայմանագիր» խմբակցության պատգամավոր Հովիկ Աղազարյանը։
«Կառավարության որոշման շնորհիվ օրենքում փոփոխություն էր կատարվել և եկամտահարկը վերադարձվում էր քաղաքացուն, երբ հիփոթեքով բնակարան էր ձեռք բերում, սակայն 2025թ․ դա վերանալու է․ այդ պատճառով, նաև ուրիշ պատճառներով տների գներն անհարկի բարձրացել են և ինչ-որ իմաստով գտնվում են պիկի վրա։ Եթե մենք այստեղ չիրականացնենք կոնկրետ թիրախավորված քաղաքականություն, ապա շուկան կպայթի, անպայման կպայթի, իսկ եթե պայթեց, հետևանքները վատ կլինեն թե՛ բանկային համակարգի, թե՛ ընդհանրապես տնտեսության համար։
Պետք է թիրախային քաղաքականություն վարել, որպեսզի տների գների աճն ավելի դանդաղ լինի, քան քաղաքացիների ռեալ եկամուտների աճը»,- նշեց պատգամավորը։
Մանրամասները՝ տեսանյութում։
