18.03.2026 | 18:25
Ախուրյանցի կնոջ խափանման միջոցը փոխվել է տնային կալանքով․ նրան վերագրվում է Փաշինյանի հասցեին բռնության կոչ պարունակող գրառում
Այն, ինչ Մոսկվայի տունը, Պուտինի քաղաքականությունը չարեցին ՀՀ-ում, ռելոկանտներն իրականացրին՝ մշակութային ուծացում․ Գևորգ Տեր-Գաբրիելյան. ՏԵՍԱՆՅՈՒԹ
Քաղաքականություն
13.06.2023 | 21:02
ՌԴ Կրթության նախախարությունը հայտարարում է, թե իրականացվում է ԱՊՀ երկրներում ռուսական դպրոցների կառուցման նախագիծ։ Տաջիկստանում կառուցել են 5 դպրոց, պայմանագիր է ստորագրվել Ղրղըզստանում 9 համատեղ դպրոցի կառուցման մասին, երկխոսություն է ընթանում Հայաստանում 4 դպրոցի կառուցման շուրջ։
Ինչո՞ւ է ՌԴ-ն ցանկանում ռուսական դպրոցներ ունենալ ՀՀ-ում, դա զուտ հումանիտա՞ր հարց է, թե՞ նաև քաղաքական ազդեցություն տարածելու, պահպանելու գործիք։ Արձակագիր, Եվրասիա համագործակցություն հիմնադրամի տնօրեն Գևորգ Տեր-Գաբրիելյանը Factor TV-ին տված հարցազրույցում ասում է, որ դա ռուսական լեզուն և մշակույթը տարածելու քաղաքականություն է։
«Նպատակն է ապացուցել աշխարհին, որ Ռուսաստանն այսօր այնքան մեկուսացված չէ, որքան արևմտյան աշխարհը ցանկանում է։ Եվ ասել, թե ոչ միայն պարզապես մեկուսացված չէ, այլ որ իր մշակութային ազդեցությունը տարածում է նախկին ԽՍՀՄ-ի վրա։ Դա հասկանալի է, այսպես կոչված, փափուկ ուժի քաղաքականությունն է»,- նշեց նա։
Ըստ Գևորգ Տեր-Գաբրիելյանի՝ ռուսերենի, ռուսական մշակույթի տարածման առումով՝ այն, ինչ Մոսկվայի տունը, Պուտինի քաղաքականությունը չարեցին ՀՀ-ում տարիներ շարունակ, ռելոկանտներն իրականացրին, այն է՝ մշակութային ուծացում, ինչը վտանգավոր է։
Հարցազրույցն ամբողջությամբ՝ տեսանյութում։
Ռոբերտ Անանյան
