24.11.2024 | 13:22
ՏԿԵ նորանշանակ նախարարն ընտրվել է ՔՊ Արմավիրի տարածքային կազմակերպության խորհրդի նախագահ
Մեր տարածքի հետ կապված մենք կորոշենք, թե ինչ վերահսկողություն կլինի. Ալեն Սիմոնյան․ ՏԵՍԱՆՅՈՒԹ
Քաղաքականություն
13.06.2023 | 12:48
Ապաշրջափակման հարցով խնդիր չկա, կա բանակցային պրոցես, որտեղ կան կարծիքներ, որոնք փորձում են բերել ընդհանուր եզրերի: Այս մասին լրագրողների հետ զրույցում ընդգծեց ԱԺ նախագահ Ալեն Սիմոնյանը։
ԱԺ նախագահն ընդգծեց, որ Հայաստանն ինքնիշխան տարածք ունի, որտեղ գործում են ՀՀ օրենքները, եթե Հայաստանը ինչ-որ պահի մտածի, որ պետք է արտապատվիրակի իր որևէ գործառույթ այլ երկրի մարմիններին, դա Հայաստանի ներքին հարցն է, բայց այս պահին չկա որեւէ կոնկրետ որոշում, որևէ քննարկված բան։
«Ես չգիտեմ՝ եթե Ադրբեջանն ուզում է, որ ռուսական կողմը վերահսկի մուտքը, ապա Հայաստանը նույնպես կարող է ուզել, որ երրորդ երկրի ներկայացուցչություն հսկի, որովհետև սահմանների բացումը, ապաշրջափակումը փոխադարձ պրոցես է։ Եթե ադրբեջանցին պետք է գա, Հայաստանի տարածքով գնա Նախիջևան, նշանակում է, որ Հայաստանի բնակիչը նույնպես կարող է Ադրբեջանի տարածքով գնալ Ռուսաստան կամ որևիցե այլ երկիր, պայմանները պետք է նույնը լինեն», – ԱԺ-ում լրագրողների հետ զրույցում ասաց Սիմոնյանը:
ԱԺ նախագահի խոսքով՝ հայկական տարածքի հետ կապված հայկական կողմն է որոշելու, թե ինչ վերահսկողություն կլինի:
Ինչ վերաբերում է նոյեմբերի 9-ի եռակողմ հայտարարությանը՝ ԱԺ նախագահը նշեց, որ գրեթե բոլոր կետերն ինչ-որ չափ խախտված են:
Մանրամասները՝ տեսանյութում։
