Խաղահրապարակ բացելը պարոն Ավինյանի ոլորտն է. Երևանի քաղաքապետի պաշտոնակատար․ ՏԵՍԱՆՅՈՒԹ

Գործակարգավարական նիստերի անցկացման ֆորմատը քաղաքապետարանի ներքին որոշումն է, մենք այնպես ենք աշխատանքը բաշխել, որ մեզ հարմար լինի: Այս մասին այսօր խորհրդարանում լրագրողների հետ զրույցում նշեց Երևանի քաղաքապետի պաշտոնակատար Լևոն Հովհաննիսյանը՝ պատասխանելով հարցին, թե ինչպես է, որ քաղաքապետարանում գործակարգավարական նիստերը վարում է Տիգրան Ավինյանը, իսկ բյուջեն ներկայացնելու համար ինքն է եկել ԱԺ:

Այդ ինչպե՞ս եք աշխատանքը բաժանել, որ բոլոր «փիարվելու գործերը բաժին են հասել Տիգրան Ավինյանին․ ժապավեն կտրելիս ինքն է, բացումներ անելիս ինքն է, կառավարության նիստերին ինքն է։ Այս հարցին ի պատասխան՝ Լևոն Հովհաննիսյանը նշեց. «Պարոն Ավինյանը 2018-2022 թվականներին եղել է փոխվարչապետ, սա նշանակում է, որ նա շատ լավ տիրապետում է կառավարության աշխատանքը, մասնավորապես, նաև ֆինանսական ոլորտի հետ կապված: Մենք կառավարություն դիմել ենք տարբեր հարցերով, և այդ աշխատանքը պարոն Ավինյանը կարող է անել շատ արդյունավետ, նա այդ աշխատանքն արել է շատ արդյունավետ, կան հստակ արդյունքներ արդեն: Մենք նպատակահարմար ենք գտնում, որ հենց ինքը ներկա լինի կառավարության նիստերին»:

Դիտարկմանը, որ կանոնակարգը պհանջում է, որ կառավարության նիստերին ներկա լինի Երևանի քաղաքապետը, ոչ թե փոխքաղաքապետը, Հովհաննիսյանը խուսափեց արձագանքել:

Անդրադառնալովարցին, թե արդյոք քարոզարշավ չի համարում այն, որ Երևանի ընտրություններից մի քանի միս ռաջ Տիգրան Ավինյանը մասնակցում է միջոցառումների, մանկապարտեզներ, խաղահրապարակներ, այլ ենթակառուցվածքներ է բացում, քաղաքապետի պաշտոնակատարը պատասխանեց. «Ո՛չ, ես դա չեմ համարում քարոզարշավ, համարում եմ ընթացիկ աշխատանք: Այդ տրամաբանությամբ ստացվում է, որ յուրաքանչյուր քաղաքական թիմ, որը տվյալ թիմ, որը տվյալ պահին այդ համայնքում ղեկավարում է, պարզապես ընտրություններից մեկ տարի առաջ գործ չանի:
Այն ոլորտները, որտեղ պարոն Ավինյանն է ղեկավարում, մասնավորապես, շինարարության, ինքն էլ ներկ է լինում բացմանը, ինչը շատ նորմալ է»:

Նշենք, որ ՔՊ-ն հայտարարել է, որ քաղաքապետի իրենց թեկնածուն Տիգրան Ավինյանն է: Երևանի ավագանու ընտրությունները տեղի են ունենալու սեպտեմբերի 17-ին:

Մանրամասները՝ տեսանյութում։