05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Վտանգվա՛ծ է ժողովրդավարությունը ՀՀ-ում․ հարվածեցի՛ն պատերազմով, արտաքին ինտերվենցիայով փորձեցին փշրել․ Գուրգեն Սիմոնյան. ՏԵՍԱՆՅՈՒԹ
Քաղաքականություն
31.05.2023 | 20:02
Այսօր Ժողովրդավարության հայկական ֆորումի ժամանակ Նիկոլ Փաշինյանը հայտարարեց, որ երբ Ուկրաինայի իրադարձությունները սկսվել էին, ՀՀ-ն փորձում էր բալանսավորված դիրքորոշում ունենալ իր քվեարկություններով և այլն, ինչը բոլոր գործընկերների մոտ գոհունակություն էր ձևավորում։
«Բայց ակնհայտ է, որ ՀՀ-ի և բոլորի մանևրի դաշտը նեղանում է, ինչը շատ լուրջ մարտահրավեր և պրոբլեմ է բոլորիս համար, ՀՀ-ի համար առավել ևս՝ իր խոցելիությունները հաշվի առնելով»,- ասաց վարչապետը։
Նա նշեց, որ ՀՀ-ում ժողովրդավարությունը ներքին սպառնալիքներ չունի, սակայն նաև խոսեց արտաքին սպառնալիքների մասին՝ հիշելով 2 տարի առաջվա դեպքերը․ «2021թ. մայիսի 10-ին ուժի մեջ է մտնում իմ հրաժարականը, խորհրդարանը լուծարվում է, երկրում փաստացի ո՛չ կառավարություն կա, ո՛չ խորհրդարան, և մայիսի 12-ին տեղի է ունենում Ադրբեջանի ներխուժումը Սոթք-Խոզնավար հատված, և զրո ռեակցիա ՀԱՊԿ-ի կողմից։ Քրեական գործով կան կալանավորված զինվորականներ, որոնք ոչ մի գործողություն չեն ձեռնարկել Հայաստանի ինքնիշխան տարածքը պաշտպանելու համար։ Եվ նրանք չունեն բացատրություն»։
Factor TV-ին տված հարցազրույցում քաղաքագետ Գուրգեն Սիմոնյանը նշում է, որ այսօր Հայաստանում վտանգված է ժողովրդավարությունը։
«Մեր երկրում ժողովրդավարությունը հարված ստացավ պատերազմով, երբ արտաքին ինտերվենցիայով փորձեցին փշրել, բայց այն ապրեց։ Այսօր պետք է նշել, որ Հայաստանը Ռուսաստանի պատանդն է, երբ ՀԱՊԿ-ում լինելու պատճառով ՀՀ-ն զենքի խնդիր ունի։ Ես կարծում եմ, որ արդեն գալիս է ընտրություն կատարելու պահը։ Պատերազմի ժամանակ մենք ռուսական ազդեցության տակ ենք եղել վերից վար, հետևաբար՝ աղետալի էր մեզ համար արցախյան պատերազմը, ֆորպոստի շահերը չեն պաշտպանում»,- ասաց քաղաքագետը։
Հարցազրույցն ամբողջությամբ՝ տեսանյութում։
Ռոբերտ Անանյան
