26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Ինքնորոշման իրացման իրավունք ունի Արցախի ժողովուրդը․ Աշոտ Դանիելյան․ ՏԵՍԱՆՅՈՒԹ
22.05.2023 | 23:36
ԱՀ խորհրդարանի պատգամավոր Աշոտ Դանիելյանի գնահատմամբ, ԼՂՀ հարցը միայն Արցախի հարց չէ, միասնական հարց է, Հայաստան ունենալու հարց է:
Այսօր կայացած խորհրդարանի արտահերթ նիստը նվիրված էր ՀՀ վարչապետ Նիկոլ Փաշինյանի հայտարարությանը. «86.6 հազար քառակուսի կմ–ն ներառում է նաև Լեռնային Ղարաբաղը: Բայց նաև պետք է արձանագրել, որ մենք ասում ենք, որ Լեռնային Ղարաբաղի հայության և իրավունքների, անվտանգության հարցը պետք է քննարկվի Բաքու–Ստեփանակերտում ձևաչափում»: Քննարկվեց ԱՀ խորհրդարանի հայտարարության տեքստը:
«Բոլոր միջազգային հանդիպումներում ՀՀ վարչապետի աթոռը զբաղեցնող անձը խորացնում է Արցախի հանձնման գործընթացը։ Հայ ժողովուրդն ունի բոլոր իրավունքները՝ այդ կապիտուլյանտին հետ պահելու իր քայլերից»:
Պատգամավորը նկատեց, որ ՀՀ որևէ իշխանություն չի ճանաչել Արցախն Ադրբեջանի մաս և չի ունեցել այնպիսի տեսակետներ, ինչպիսիք այս «ազգակործան պատուհասը»:
ԱՀ խորհրդարանի պատգամավորի կարծիքով՝ Նիկոլ Փաշինյանն իրավունք չունի ստորագրելու մի փաստաթուղթ, որով Արցախը կհայտարարվի Ադրբեջանի մաս, քանի որ դա կհակասի ՀՀ Սահմանադրությանը և ԳԽ որոշմանը:
Հիշեցնելով, որ Նիկոլ Փաշինյանի կառավարության ծրագիրում ամրագրված է, որ Արցախի ժողովուրդը պետք է որոշի իր ճակատագիրը, պատգամավորն ընդգծեց․ «Եթե Նիկոլ Փաշինյանը ստորագրի փաստաթուղթ, որում Արցախը կճանաչի Ադրբեջանի մաս, դա կլինի պետական դավաճանություն»:
Մանրամասները՝ տեսանյութում։
